Governu Seidauk Hanoin Loke Hikas Aeroportu
Naunil Media (Díli), Ministru Transporte no Komunikasaun (MTK), José Agustinho da Silva, hateten Governu seidauk hanoin atu loke hikas aeroportu, tanba nasaun viziñu sira moras Surtu COVID-19 nafatin aumenta.
Ministru José Agustinho da Silva, ba jornalista sira hafoin partisipa reuniaun Konsellu Ministru, iha Palásiu Governu, Kuarta (22/07).
“Klaru Timor-Leste la regista ona kazu positivu ba Surtu COVID-19. Ita labele haluha moras ida ne’e sei iha, ita-nia nasaun viziñu sira iha Indonézia moras COVID-19 sei iha. Ita atu normaliza movimentasaun Aeroportu, ita tenke hanoin no tetu didi’ak”, tenik governante ne’e.
Ikus-liu, Nia afirma, governu sei kontinua tetu antes loke hikas movimentu voó komersial Internasionál.
“Nasaun viziñu Indonézia loron-loron númeru mate ema 1000 resin, entan ita sei labele ansi atu loke hikas Aeroportu”. Dehan Nia. Emj1