Assanami husu Governu Aseleira Pagamentu ba Jornalista Sira Liña Frente

Fahe Tutan

Naunil Media (Díli), Bankada Partidu Demokrátiku (PD), Deputadu Mariano Assanami Sabino, hateten tenki aseleira pagamentu ba jornalista sira mak durante ne’e destaka iha Sala Situasaun, Sentru Integradu Jestaun Krize (liña frente) hodi kobre liga ho Surtu COVID-19 iha Timor-Leste, tanba Governu promote ona.

“Parlamentu Nasionál husu ba Governu atu aseleira prosesu ne’e, tanba iha entidade sira seluk ne’ebé tama mos kategoria, ne’e simu ona subsídiu maibé úniku mak jornalista sira mak seidauk simu ne’e” Atual Deputadu kinta lejislativa no Prezidente PD, Assanami, ba jornalista sira iha Uma Fukun Parlamentu Nasionál, Tersa (11/08).

Líder Jerasaun kontinuadór, Assanami, hatutan Governu tenki hola papel atu fó apoiu máximu ba média, liu-liu jornalista sira durante implementasaun Estadu Emerjénsia ba dala haat.

“Konsisténsia Governu nian dehan atu apoiu jornalista sira iha front line, tenke aseleira, tanba sira hatama ona konta bankária, hodi fó apoiu ne’e to’o iha ne’ebé”, preokupa deputadu Assanami.   

Tuir líder Partidu Demokrátiku ne’e, média sira mak informa situasaun hotu-hotu kona-ba COVID-19 ba povu, tanba ne’e tenke konsisténsia apoiu ba média. Ana

Leave a Reply

Your email address will not be published.