Ministru Fernando : Ezekusaun Fundu COVID-19 Atinji Ona Pursentu 54 (%)

Fahe Tutan

Naunil Media (Díli), Ministru Finansas (MF), Fernando Hanjam, informa Governu kosntitusionál da-ualu halo ona ezekusaun ba fundu ho espesífiku COVID-19 nian atinji ona pursentu 54 (%).

“Ha’u atu informa ezekusaun orsamentu relasaun ho fundu COVID-19 nian, to’o data ohin ita ezekuta ona 54%, no ezekusaun hosi primeiru pedidu levantamentu ho orsamentu $150, no segundu levantamentu nian ho orsamentu $70” Ministru Fernando Hanjam, relata liu husi plenaria Uma Fukun Parlamentu Nasionál, Tersa (11/08).

Governante ne’e, informa liu-tan ministériu balun lakonsege implementa fundu COVID-19, nune’e konsege poupansa no hetan kuaze millaun $30.

“To’o agora relasaun ho pagamentu ba subsídiu ba funsionáriu sira hanesan PNTL no F-FDTL ita finaliza ona, maibé sei tama tan proposta balun nune’e ita bele halo pagamentu kona-ba subsídiu remuneratóriu ne’e”, esplika Ministru Fernando.  

Nia relata, parte saúde nian tama tán proposta rua, maibé protesaun sivíl no bombeirus sira no la kleur tan EDTL mos finaliza ona, maibé ba jornaista sira mak sei trata hela rejime legál, no dau-daun EDTL mos haree ona no la kleur bele finaliza.

“Kona-ba jornalista sira, maibé sira kuandu funsionáriu públiku hanesan TVTL ne’e, ita bele halo pagamentu. Agora sira-ne’ebé la’ós funsionáriu públiku, ita sei trata hela nia rejime legál, depois ita bele halo pagamentu ba sira-nia direitu ne’e”. dehan Ministru ne’e. Ana

Leave a Reply

Your email address will not be published.