CNRT Konsidera Ministériu Saúde Halimar Ema nia Vida

Fahe Tutan

Naunil Media (Díli), Bankada CNRT, Deputada Virgina Ana Belo, konsidera Ministériu Saúde halimar ho ema nian vida tanba hafoin deklara ema ida pozitivu COVID-19 ne’e, maibé ikus fali pasiente refere negativu ona.

“Konsidera deklarasaun Ministériu Saúde kona-ba kazu pozitivu foun ida iha Timor-Leste nu’udar polítika de’it, defaktu depois teste liu loron 8 hetan tiha pozitivu ba COVID-19, depois lori tiha ba izolamentu agora negativu, ne’e ita halimar ho ema nian saúde” Deputada Virgína Ana Belo, liu husi nia inervensaun polítika iha plenária Uma Fukun Parlamentu Nasionál, Tersa (11/08).

Deputada Virgína Ana Belo, haktuir informasaun ne’ebé nia hetan, pasiente COVID-19 ne’e molok tama mai teritóriu Timor, sidadaun refere halo teste iha Atambua no rezultadu negative.

“Hafoin to’o iha Timor, nia pozitivu fali. Iha ne’e hau kestiona tanba, mai ho nia ho nia feen no oan maibé nia feen ho oan la hetan daet”, preokupa Deputada Virgína Ana Belo.

Deputada Virgína Ana Belo, ne’e lafiar tanba pasiente refere mai to’o Atambua mos halo teste la iha pozitivu, mais tanba saida mai iha ne’e pozitivu.

Iha parte hanesan, deputadu Bankada FRETILIN, Antonino Bianco, hateten intervensau polítka husi deputada CNRT nian, hatudu momos karak hakarak Timor-Leste mate tiha ba COVID-19.

“Governu iha kompetensia bo’ot atu bele prevene COVID-19 ne’e, tanba governu ida ne’e Governu COVID-19 ho situsaun COVID-19 ida mosu ne’e la’os Governu nia sala. See mak lafiar, tanba ne’e nia hakarak ema mate tiha lai ba moras ida ne’e”. dehan deputadu FRETILIN ne’e. Ana

Leave a Reply

Your email address will not be published.