SEPS Apoia Material Konstrusaun ba Vítima Dezatre Naturál iha Manatuto
Naunil Media (Manatuto), Kuarta (22/07) ne’e, Governu liuhusi Sekretária Estadu Protensaun Sivíl (SEPS) apoia material konstrusaun uma hanesan kaleng, semente, perigo, arame rolu no besi ba populasaun vítima dezastre natural inundasaun iha postu administrativo Laklo Munisípiu Manatuto.
“Ohin mai halo programa rekuperasaun munisípiu manatuto nian. Iha Manatuto Vila, Natarbora, Laklubar, maibé konserta iha postu administrativu Laklo, tanba iha postu Laklo Vítima barak liu uma-kain 36 mak sai Vítima” informa Sekretáriu Estadu Protesaun Sivíl (SEPS), Joaquim José Gusmão dos Reis Martins, ba jornalista sira iha postu administrativo Laklo.
Joaquim José Gusmão dos Reis Martins, hatutan ho apoiu ne’e vítima sira bele hadi’ak fali sira nia uma ne’ebe hetan estragus husi dezatre naturál no inundusaun.
“Ami entrega material konstrusaun tuir nivel estragos. At-naton simu kalen tahan 50, semente 25, perigu 7cm 4kg, perigo 10cm 2kg no perigo 12cm 2kg, At-kaman sira simu kalen 50 perigo no perigu prega kalen tahan 2kg” relata Governante ne’e.
Nia iforma liu-tan, “At-total sira simu kalen 50, perigo kalen tahan 2kg, perigo 7cm 4kg, perigo 10cm 2kg, perigo 12cm 2kg, besi 8mil 10 batan, besi 10mil 12 batan, arame kesi besi rolu 2 rolu no semente 25 sak”.
“Ita hein aprovasaun Orsamentu Jerál 2020 aprova ona, ami nia ekipa DNGRD-SEPC sei mai fali hodi halo pagamentu ba ita bo’ot sira hotu,karik Orsamentu iha sira simu $360”. Dehan membru governu ne’e. Ana
