DesportuFEATUREDIkus LiuNews

Pra Liga Futsal : Mauputar Hurlele BAS 4-1

Fahe Tutan

Naunil Media (Díli), Ekipa Mauputar FC hurlele ekipa adversariu Baucau All Star ho score 4-1 iha jogu kontinuasaun Pra Liga Futsal Timor-Leste jornada dahuluk.

Jogu entre ekipa rua ne’e hala’o iha kampu Futsal F-FDTL Fatuhada Díli Segunda (16/11).

Iha inísiu jogu, ekipa rua hatudu tátika furak iha kampu hodi atrai adeptus Futebol salaun mak asiste direta. Tama ba iha minutu 16 jogador Mário susesu lori nia ekipa Mauputar lídera ho score 1-0. Jogador ho númeru kamizola 4 ne’e marka golu hafoin simu asistensia bola kruza husi nia kompaineru iha parte karuk no Mário susesu marka golu.

Ekipa rua ne’e mantein halo kontra atake ba malu maibé la iha golu ruma akontese tan no score 1-0 mantein to’o termina jogu parte dahuluk.

Kontinua ba jogu parte daruak, ekipa rua ne’e mantein lansa kontra atake ba malu maibé ekipa Mauputar ne’ebé hatudu ritmu jogu ho di’ak konsege marka golu tolu iha segundu parte.

Enkuantu ekipa FC BAS ne’ebé hatudu ritmu jogu natón konsege marka golu ida iha minutu ikus antes atu termina jogu parte daruak ho nune’e to’o termina jogu parte daruak vitória monu ba ekipa Mauputar ho score 4-1. Dvo

Leave a Reply

Your email address will not be published. Required fields are marked *