Tinan 2023 Australia Fornese Ro Patrolamentu Rua Ba TL
Naunil Media (Dili), Mandatu mak remata, Maibe servisu koperasaun servisu Autralia ho Timor-Leste (TL), Iha area Defeza sei nafatin kopera malu.
Embaixador Australia iha TL, Peter Robert, Fiar katak koperasaun iha area defeza entre TL ho Austrália, ei naruk, tanba iha tinan 2023 Austrália sei fornese Ró patroli foun rua ba TL.
” Ha’u fiar katak koperasaun iha area defeza naruk liu TL no Austrália no ha’u espera katak bele hametin koperasaun ne’e Austrália sei fornese Ró foun patroli rua ba TL iha tinan 2023, Dehan Embaixador Autralia iha TL, Hafoin remata enkontru despedidada ho Prezidente Republica (PR), Francisco Guterres “Lu-Olo” iha Palasiu Prezidente, Segunda, (20/12).
Nia haktuir, Ro ne’e ho kapasidade no kualidade di’ak.
“Entaun iha futuru ha’u espera katak TL no Austrália bele kopera iha area hanesan iha tasi atu defende malu,” tenik nia
Nia mos akresente, Austrália iha programa bo’ot iha area dezenvolvimentu iha seitor oioin inklui mós agrikultura no mós programa dezenvolvimentu suku no koperasaun ne’e sei kontinua nafatin tinan-tinan.
Programa ne’e, Austrália Apoua mais ou menus dólar Austráliano Milaun atus ida.
Iha oportunidade iha area seluk mak, pradutu setor privadu, Governu rua mós atu enkoraza setor privadu, nune’e servisu hamutuk esporta ba Austrália no importa mai TL ne’e mós iha oportunidade.
Pratikamente iha seitor privadu programa hanesan trabalhador Timor-oan iha Austrália no TL mós hakarak atrai investidor sira husi Austrália mai investe iha TL hodi hametin koperasaun.
Nia mós senti triste oituan tanba hadomi TL, Maibe presiza fila ba Austrália, Maibé Orgullu tebes bele servisu di’ak ho TL no agradese ba povu tomak no Governu TL tanba bele kopera di’ak no bele hamutuk responde ba situasaun difisil.*Jos
