Remata Tinan 2021, Mandatu Embaixador Australia Mos Remata

Naunil Media (Dili), Remata tinan 2021 haka’at liu ba tinan 2022, Mandatu embaxaidor, Embaixada Australia iha Timor-Leste (TL), Peter Robert iha TL mos remata.

Diplomata Australia, Peter Robert hala’o mandatu nu’udar embaixador Australia iha TL durante tinan ha’at (4), Nune’e iha fulan dezembru ne’e kompleta ona nia dever nu’udar embaixador Australia iha TL.

Embaixador Australia iha TL, Peter Robert, hateten, Durante hala’o servisu iha TL tinan ha’at ona, Nune’e mandantu sei remata iha fulan ida ne’e.

” Hau hela iha TL durante tinan ha’at ona, no hau sei fila fali ba Australia iha fulan ida ne’e,” Dehan Embaixador Australia, Hafoin remata enkontru despedidada ho Prezidente Republica (PR), Francisco Guterres “Lu-Olo” iha Palasiu Prezidente, Segunda, (20/12).

Nia Sente triste oituan tanba labele hela  TL tinan  naruk.

” Maibé ha’u kontenti tebes tanba durante tinan ha’at ne’e, Iha Koperasaun servisu di’ak tebes Australia ho TL iha tempu inundasaun no tempu pandemia  Covid-19″,  Haktuir Diplomata ne’e.

Iha tempu nasaun vizinu kolega parseria tenke servisu hamutuk entaun iha tempu ne’e Austrália no TL nia Koperasaun di’ak no mós tinan tolu liu ba Austrália no TL konkorda fronteira entre TL no Austrália.

Relasaun servisu entre TL no Austrália la’o di’ak no nia mós refleta kona-ba Koperasaun ho PR no espera katak iha futuru mai bele hametin Koperasaun iha area oi-oin.

Tanba konkorda akordu fronteira maritima ne’e mós iha oportunidade atu hametin Koperasaun iha area seguransa, maritima, Tanba Austrália no TL iha ona fronteira maritima no presiza servisu hamutuk atu jere rekursu hanesan ikan.*Jos