ADTL Apoiu Nesesidade Bázika Ba Ema Ho Defisiensia 47 Iha Munisípiu Lautém

Fahe Tutan

Naunil Media (Lautém), Sesta (07/05) ne’e, Asosiasaun Defisiensia Timor-Leste (ADTL) oferese apoiu nesesidade bázika ba ema ho defisiénsia  sira hamutuk nain 47 iha munisípiu Lautém.

Objetivu hosi asaun humanitarian ne’e, relasiona ho situasaun Estadu Emerjénsia ba prevensaun no kombate COVID-19 iha Timor-Leste, tanba maioria povulasaun, liu-liu ema ho defisiensia barak mak susar ba ai-han no nesesidade baziku seluk tan.  

“Ema ho defisiensia nain 47, hosi suku Cacacvei, Ekisi, Tutuala,  Ililai, Pairara, Lorehe, Fuiloru”, Diretór Ezekutivu ADTL, Sejário da Silva, ba Naunil Media hafoin entrega apoia nesesidade bázika ba benefisiariu sira iha Suku Cacacvei.

Diretór ne’e hateten, “Iha situasaun emerjénsia ne’e ema hotu sai vulneravelbilidade iha sira nia fatin. Liu-liu ba maluk defisiénsia sira dupla vulneravelbilidade, tamba ne’e ADTL hahú dezenha intervensaun oinsa atu fasilita maluk defisiente sira iha situasaun defisil ida ne’e”.

“Apoiu humanitária mak   hanesan foos, mina, susu been, rinso no sabaun”, informa Nia.

Aleide apoiu nesesidade bázika, ekipa ADTL mos partilla informasaun ba ema ho defisiente sira oinsa atu bele hatene di’ak liu atu prevene a’an hosi Surtu COVID-19.

Enkuantu Munisípiu Lautém ema ho defisiensia ne’ebé mak ADTL rejista hamutuk ema rihun tolu (3000). Latu

Leave a Reply

Your email address will not be published.