UE Kontente Apoia TL Kombate COVID-19

Fahe Tutan

Naunil Media (Díli), Liuhosi deskursu iha edifisiu Ministériu Negósius Estranjeirus no Koperasaun (MNEK), Embaixadór Uniaun Europeia (UE) iha Timor-Leste (TL), Andrew Jacobs , sente kontente tanba hosi asaun sira UE nian bele apoia Timor-Leste hodi kombate Surtu COVID-19. 

“Ha’u kontente tebes, bainhira rona osan Uniaun Europeia sei kontribui ba kontinuidade servisu Parlamentu Nasionál, Ministeriu Administrasaun Estatal no autoridade Munisípiu sira. Ami hakarak fó apoiu ba ita bo’ot sira hodi responde ba COVID-19, liuhosi ami nian asaun sira mak realiza iha Timor-Leste”, hateten Andrew Jacobs iha nia deskursu Praias dos Coquiros, Kinta  (07/05).

Diplomata ne’e esplika, asaun dahuluk, instala sala imprensa iha parlamentu nasionál, atu hari’i knua komunikasaun mak sei iha sala dedikadu ida ba jornalista akreditadu ho internet fasilidade ba imprime no móvel sira. Sala konferensia ho móvel sira ho ligasaun tekniku ba  televizaun, rádio no mós radiu parlamentu nian.

Embaixadór ne’e tenik liu-tan, asaun daruak, UE hakarak halo kampaña komunikasaun iha  televizaun kona-ba edukasaun sívika ba asuntu sosiál sira relasiona ho COVID-19 nian.

Asaun datoluk, Andrew  sublña, UE iha planu atu estabelese kanal komunikasaun online entre parlamentu nasionál no sidadaun timoroan sira.

Ikus liu, embaixadór ne’e informa, EU  hakarak apoia projetu ida  ho metodu ba enkontru sira ne’ebé mak  iha parlamentu nasionál.

“Relasiona ho asaun iha Munisípiu sira mak atu apoiu ba rádio komunidade sira hodi halo monitorizasaun ba media sosiál, atu bele kontra ba notisia falsu sira ne’ebé mak fó pániku ba públiku”, tenik Nia. Rit

Leave a Reply

Your email address will not be published.