Henrique : PNTL Munisípiu Díli Limitasaun Membru, Viatura no Radio Komunikasaun

Fahe Tutan

Naunil Media (Díli), Komandante Polísia Nacionál Timor-Leste (PNTL) Munisípiu Dili, Superintendente Xefe Henrique Da Costa, hateten PNTL Munisípiu Díli limitasaun membru, viatura (transporte) no radio komunikasaun atu fasilita servisu rutina iha terenu hodi garante paz ba komunidade.         

“Limitasaun rekursu umanus, PNTL munisípiu Díli nian ita iha ema 500, ne’e operasionalmente iha deit atus haat ualu nulu resin, tanba hasai tiha sira ne’ebé moras, lisensa ba partu, suspensaun no kumpri komarka. Impaktu tebes ba iha servisu polísia nian”, Komandante PNTL Munisípiu Díli, Superintendente Xefe Henrique Da Costa, ba jornalista sira iha Sede Suku Kaikoli, Tersa (29/09).

Superintendente Xefe Henrique Da Costa, ninia membru sei labele halo kontrolu Díli diak kuandu preokupasaun hirak ne’e seidauk resolve.    

“Ami labele kontrola ho di’ak tanba iha limitasaun ba membru no ba trasnporte, komunikasaun no seluk-seluk tan, maibé ida ne’e sei la sai obstakulu ida ba ami hodi halo servisu tanba PNTL servisu hamutuk ho autoridade lokál sira hodi bele atinji mehi polísia nian no garante estabilidade paz ba povu ba rai ida ne’e”. dehan Nia. Flo/Fet

Leave a Reply

Your email address will not be published.