Dere Ba Númeru Hotline 12150, Konsumidór Hetan Pulsa Eletrisidade Gratuita

Fahe Tutan

Nauni Media (Díli), Ministru Obras Publikas (MOP), Salvador Pires, hateten hahu Segunda (06/04) ne’e ba oin, Eletrisidade de Timor-Leste (EDTL) hahu oferese pulsa eletrisidade gratuita ba konsumidór sira, liu-hosi númeru 12150.

Ministru Obras Publikas (MOP), Salvador Pires, ba jornalista sira hafoin asina akordu ho operadór telekomunikasaun Timor Telecom (TT), Telekomsel no Telemor, iha Edifisiu EDTL Kaikoli, Sexta (03/04).

“Ohin ami asina ona akordu ho operadór tolu, hosi telekomunikasaun i atraves ANC Ministru Transporte nia despaixu ba hau nia pedidu ne’ebe ba sira numeru fiksu ida ba ami, nune’e tuir operasaun entre EDTL ho operadór nain tolu ne’e katak, númeru hotline ne’e funsiona komesa semana oin Segunda (06/04)”, informa MOP, Salvador Pires.

NGovernante ne’e esplika, hahu semana oin konsumidór sira hela dei’t iha uma mak haruka númeru registu kontadór ba númeru hotline 12150, hafoin sei haruka fali númeru pulsa eletrisidade ba konsumidór sira hodi enxe ka uza.

“Konsumidor sira sei hetan pulsa eletrisidade U$ 15.00 gratuita kada númeru registu kontadór ida no pulsa ne’e gratuita ba dala ida de’it, numeru registu kontadór ida sei la hetan pulsa eletrisidade ba dala rua. Atu hetan subsidiu ne’e  komunidade sira bele haruka mensajem liu-hosi númeru telemove hanesan Timor Telecom, Telcomcel no Telemor ne’ebe ita uza hela”, esplika membru governu konstitusionál da-ualu ne’e.

Nia relata, “Ami iha númeru registu kontadór hamutuk 160.555 kliente, nune’e númeru registu sira ne’e ami entrega ona ba operadór sira hodi hatama iha sistema, tanba ne’e otomatikamente kuandu SMS tama sira haruka ba dala ida de’it”.

Polítika ida ne’e, atu konsumidór sira labele la’o ba konsentra hamutuk iha fatin ida hodi sosa pulsa eletresidade, relasiona estadu emerjénsia ba kombate corona virus (COVID-19). Uar

Leave a Reply

Your email address will not be published.