PM Taur Bolu CNE Ba Palasiu Governu
Naunil Media (Díli), Segunda (02/03) ne’e, Primeiru Ministru (PM) Taur Matan Ruak bolu Prezidente Komisaun Nasionál Eleisoens (CNE-Sigla Português), Alcino Araújo Baris ba iha Palasiu Governu hodi informa servisu no papél CNE nian liliu eleisaun jerál antesipada mak akontese iha tinan 2018.
Prezidente CNE, Alcino Araújo Baris, hateten ninia prezensa iha palasiu governu ne’e hodi atualiza informasaun kona-bá servisu no papél CNE nian iha prosesu eleisaun sira ne’ebé akontese iha tinan 2018 ba xefe oitavu governu konstitusionál, Taur Matan Ruak.
“Hau mai hasoru Primeiru Ministru Taur Matan Ruak hodi informa relatóriu eleisaun atividades iha eleisaun tinan 2018. Komisaun Nasionál Eleisoens nia servisu durante ne’e ativu depois husi eleisaun sira ne’ebé ita liu ona”, Prezidente CNE, Alcino Araújo Baris ba jornalista sira hafoin remata sorumutuk ho Primeiru Ministru, Taur Matan Ruak.
Alcino Araújo Baris informa mos, CNE iha ona planu atu halo enkontru ho líder partidu polítiku sira atu haree hamutuk aktus eleitór sira iha eleisaun sira liu bá, liliu lei sira ne’ebé regula partidu polítku sira.
Antes ne’e Primeiru Ministru Taur Matan Ruak mos hala’o ona vizita ba Sekretariadu Tekniku Administrasaun Eleitorál (STAE) haree besik liu tan servisu administrative eleitorál nian. Fte
