Trânzitu Munisípiu Díli Desimina ba Ema ho Defisiensia

Fahe Tutan

Naunil Media(Dili), Kuarta (23/09) ne’e, iha Xanana Reading Room (Sala Leitura Xanana) Bidau, Polísia Nasionál Timor-Leste (PNTL) liu husi Unidade Trânzitu hala’o seminar hodi desimina informasaun ba ema ho defisiensia sira kona-ba regra sira trânzitu nian.

Jestór Programa Desiminasaun Informasaun Trânzitu, Luciana Do Nacimento Dias, hateten aktividade refere fó informasaun klaru ba ema ho defisiensia sira, atu kompriende regra sira trânzitu nian.  

“Ami kobre ona iha eskola hirak ne’ebé iha Díli laran hamutuk ho Sr. New Turqui, hodi kobre Sede Suku Díli laran, Aileu, Ainaro, Liquiça no Manufahi”, Jestór Programa Desiminasaun Informasaun Trânzitu atual membru PNTL, Luciana Do Nacimentu Dias, ba jornalista sira liu husi seminar aberta mak ha;a’o iha Xanana Reading Room.

Jestór Programa ne’e, dehan sei servisu hamutuk ho Edukasaun Inkluzivu sirat au formadór maibé seidauk hatene báziku klean kona-ba lian jestual.

Nia hateten, unidade trânzitu PNTL kompriende di’ak tebes kona-ba preokupasaun ema ho defisiensia sira nian asesibilidade tuir regra lolos, tanba sei hato’o preokupasaun sira ne’e ba Gabinete Primeiru Ministru nian no Ministériu sira relevante atu halo advokasia kapasitasaun ho lian jestual nasionál.

“Hanesan husi Assosiasaun Defisensia Timor-Leste-ADTL no ema ne’ebé fó hela fundus husi sekretáriu estadu komunikasaun sosial atu ajuda ba defisensia sira mak tuir sira ida-idak hasoru, liu husi sira nia fíziku, nune’e hatene no kompriende di’ak liu-tan iha lian jestual kominikasaun inklusivu”, tenik Nia.

Ikus-liu, Nia, dehan kada tinan tinan númeru asidente tráfiku aumenta, tanba motorista sira la iha konsiensia atu lao tuir regra sinais mak marka ona husi Diresaun Nacional Transporte Terestre (DNTT). Emj6/Emj7

Leave a Reply

Your email address will not be published.