PNTL Liquiçá Rekuiñese Komunidade Tibar Tuda Duni Kareta MS

Fahe Tutan

Naunil Media (Díli), Komandante Polísia Nasionál Timor-Leste (PNTL) Munisipiu Liquiçá, Suprintendenti Asistenti Polícia Luis da Silva, hateten komunidade suku Tibar, Postu Administrativu Bazartete , sira tuda duni kareta husi Ministériu Saúde nian ne’ebé ba halo survey iha ne’ebá (Tibar) maibe laiha kareta ruma mak aat.

Komandante PNTL Munisipiu Liquiçá, Suprintendenti Asistenti Polícia Luis da Silva, ba jornalista sira iha Sentru Akadémia Polísia Komoro, Segunda (09/03).

“Hahu husi tuku 6 to’o tuku 7 ho balu, Vise Ministra Saúde ho nia ekipa sira  desloka ba Liquiçá hodi surfei fatin, liu-liu iha area Tibar. Kareta tolu (3) mak komunidade Tibar sira hasai anin no tuda duni kareta maibe laiha kareta ruma mak aat, ne’e ekipa husi Vise Ministra Saúde nian”, haktuir Komandante PNTL Munisipiu Liquiçá, Suprintendenti Asistenti Polícia Luis da Silva.

Suprintendenti Asistenti Polícia Luis da Silva, haktuir liu tan, ho nune’e PNTL Liquiçá kontinua akompaña to’o programa Vise Ministra ho nia ekipa iha Tibar to’o remata.

“PNTL Liquiçá nafatin hein to’o situasaun la’o ho diak fali”, hateten komandante ne’e.

Nia relata, sira hetan apoia husi Taskforce no BOP hodi hakalma situasaun.

“Tuir buat ne’ebé hau rona, komunidade sira iha suku Tibar, husu ba ministériu saúde atu labele indika Tibar hanesan sai fatin izolamentu ba corona virus tanba fó perigu ba ema nian vida”. Dehan Nia. Pau

Leave a Reply

Your email address will not be published.