PLP Konsidera Koligasaun Foun Lori Konfuzaun

Fahe Tutan

Naunil Media (Díli), Vise Xefe Bankada Partidu Libertasaun Popular (PLP), Francisco de Vasconcellos, hateten objetivu husi koligasaun foun atu rezolve situasaun impase polítiku rai laran, maibe sira (koligasaun foun partidu neen) só kria Konfuzaun no halo Baralla de’it tanba lahatene atu la’o ba ne’ebé.

Deputadu husi bankada PLP Francisco de Vasconcellos hato’o kestaun ne’e ba jornalista sira hafoin plenária iha uma fukun parlamentu nasionál (PN), Segunda (09/03).   

“Ami preokupa tanba to’o agora seidauk iha solusaun, objetivu koligasaun ne’e hodi sai husi koligasaun anterior, maibe seidauk bele sai tanba sira la hatene dalan. Konfuzaun tanba lei partidu polítiku la bele halo koligasaun dentru koligasaun ida sei eziste hela. Halo Baralla Deit Situasaun tanba sira la hatene atu la’o ba ne’ebé, buat hotu-hotu lufu-lafu los, Prezidente Repúblika haruka fila ne’e hanesan rekezitu deit hodi prenxe”, hateten vise xefe banka PLP ne’e.   

Deputadu ne’e hatutan, “Agora problema ida ba sira mak, sira buka para prenxe rekezitu deit 34 kadeira, ida foin lai-lais ne’e 36 CNRT mos iha laran. Entaun tanba sa mak husik tiha ida ne’e ba fali seluk, konsidera koligasaun ne’ebe lidera husi CNRT hanesan koligasaun konfuzaun”.

“Halo ona sala aumenta tan sala, ne’ebe solusaun la iha. Ida ne’e dehan halo konfuzaun, koligasaun ida so lori konfuzaun, baralla deit situasaun sei ba dalan seluk, tanba ida hori bainhira ne’e prenxe rekezitu hela, halai tiha depois forma fali ida”. Dehan Nia. Ana

Leave a Reply

Your email address will not be published.