Rejista Koligasaun Foun Iha Tribunál Rekursu La’os Obrigatóriu
Naunil Media (Díli), Sekretáriu Koligasaun Foun, António da Conçeição ‘Kalohan’, hateten koligasaun foun iha ona kondisaun atu aprezenta lista primeiru ministru no membru governu, maibe koana-ba atu rejista iha Tribunál Rekursu laiha obrigatóriu tanba la’os koligasaun pre-eleitoral.
Sekrtáriu Jerál Partidu Demokrátiku (PD) no atual sekretáriu ba koligasaun foun, Kalohan ba jornalista sira iha uma fukun Parlamentu Nasionál (PN), Segunda (09/03).
“Ami hanoin semana ida ne’e tenkeser ona tanba hanesan ema hotu hatene ita nia orsamentu duodesimu fulan Marsu sei iha maibé fulan Abril laiha ona.tanba ne’e tenke hola pasu ida atu garante ba fulan Abril”, hateten Xefe Bankada PD Kalohan.
Nia hatutan, “Koligasaun foun mos iha ona kondisaun atu apresenta lista primeiru ministru no membru governu, maibé membru governu ne’e bainhira iha primeiru ministru indizitadu. Kona-ba Rejistu Iha Tribunal Rekursu nia dehan Laiha Obrigatoriu Atu Rejistu Tanba Ne’e Laos Koligasaun Pre-Eleitoral ne’ebé rejista hodi identifika fila fali ba eleisaun ida”.
“Pasu ida maka tenke hare rezultadu konferensia husi kada partidu ninian no mos prepara dokumentus sira ne’ebé iha ona legalidade hafoin apresenta ba Prezidenti Repúblika, kona-ba governasaun foun ne’e liga ba artigu 106 kona-ba indizita primeiru ministru halo partidu mais votadu ka koligasaun aliansa maioria parlamentar”, esplika Nia.
Koligasaun foun ne’e akontese hafoin bloku koligasaun alianasa mudansa ba progresu alias AMP monu iha loron 17 fulan Janeiru 2020, bainhira diskusaun orsamentu jeral estadu tinan 2020 faze jeneralidade sumba iha parlamentu nasional.
Antes ne’e Iha semana kotuk koligasaun foun ne’ebé lideradu husi prezidenti Partidu Kongresu Nasional Rekonstrusaun Timorense (CNRT), Kayrala Xanana Gusmão ho nia aliadu sira husi partidu demokrata-PD, partidu Kmanek Haburas Unidade Nasional Timor Oan-KHUNTO, Partidu Unidade dezenvolvimentu Demokratiku-PUDD, Partidu Uniaun Demokrata-UDT, Partidu Fretilin Mudansa-FrentiMudansa, lori lista apresneta ba prezidenti republika, Francisco Guterres Lú-Olo, maibé tanba seidauk priense rekezitus.Ino
