Kompañia UMT ho ANPM Asina MoU Ba Identifikasaun Marmore Iha Ilimanu Manatuto

Fahe Tutan

Naunil Media (Díli), Tersa (10/03) ne’e iha Salaun Ministériu Finansas, kompañia lokál Uma Marble Timor (UMT) ho Autoridade Nasionál Petróliu no Minerais (ANPM) asina Nota Intendimentu (MoU-Sigla Ingles) atu halo identifikasaun ba marmore iha aldeia Ilimanu, suku Uma Kaduak, Postu Administrativu Laklo, Munisipiu Lautem.

Hafoin asina nota intendimentu, ba jornalista sira, Vise Prezidente ANPM, José Gonçalves, hateten seremónia asinatura akordu ba explorasaun rekursu marmore ne’e hanesan faze dahuluk fó fiar no promove kompañia rai laran.

“Uma Marble Timor núdar Kompania ne’ebé rezistradu iha Timor no mos na’in husi Timor oan rasik. Durasaun peskiza tinan ida, iha mos posibilidade programa no orsamentu ba durante tinan ida inklui estensaun ni’an mais ou menus 700 mil ne’ebé sei implementa. Ikus mai bele perpara relatóriu ida, nune’e tekniku asuntu komersial ni’an fóti desizaun iha faze tuir mai husi kontratu ida ne’e”, infroa Vise Prezidente ANPM ne’e.  

Nia rinforma liu tan, iha suku Uma Kaduak ni’an mais ou menus hektar atus haat (400) ne’ebé hola parte hanesan area explorasaun ni’an husi kontratu ida ne’e no sei halo peskiza ho lian Ingles.

“Kompañia ida ne’e sei iha faze ida ne’ebé atu buka hatene deit rekursu ne’e iha ka la’e, depois faze ida ne’e hotu rezultadu ne’e pozitivu katak iha duni rekursu, kualidade no kuantidade ne’ebé sufsienti, entaun ita hakat ba faze tuir mai ne’ebé ita bolu faze dezenvolimentu produsaun ne’ebé sei presiza kontratu fó dalan ba sira lori ba iha merkadu. Mekanismu ne’e sei regula iha kontratu ne’ebé karik rezultadu ne’e pozitivu  entaun kontratu ida ne’ebé ita sei asina ne’e mak sei estikula mekanismu oinsa atu komersializa iha ne’eba no komersializa oinsa sira ne’e seidauk hola parte iha faze ida agora”. Dehan Nia. Dvo

Leave a Reply

Your email address will not be published.