Auto Golu José, Assalam Hakat ba Quarto Finais Copa FFTL 2020
Naunil Media (Ermera), Ekipa Assalam FC hakat ba Qurto Finais Copa FFTL hafoin halakon nia ekipa Adversariu As Ponta Leste ho score 1-0, hafoin jogu mak hala’o iha stadion Munisípal Cafe de Ermera, Domingu (18/10).
Inísiu jogu primeira parte ekipa rua lansa kontra ataka ba malu tama ba iha minutu 28 Assalam FC lidera kedas ho score 1-0 hafoin José Oliveira halo auto golu ba nia rede liu husi kabesada.
Score 1-0 halo ekipa Ponta Leste tenta atu atu halo empata jogu liu husi mudansa ba tatika no lansa suta fila fila maibé sei bele antisipa husi gurda defensivu Assalam nian ho nune’e to’o termina jogu parte dahuluk ekipa Assalam Fc ukun ho score 1-0.
Kontinua ba jogu segunda parte ekipa As Ponta Leste kontinua fo presaun makas liu husi bola aas, no tama ba iha minutu 82 Assalam Fc tenke lakon jogador Osorio Gusmao hafoin hetan kartaun kinor ba dala rua.
Menus jogador ida As Ponta Leste tenta fo presaun makas nafatin maibé lakonsege mraka golu to’o termina 90 minutu. Auto golu husi jogador José Oliveira ne’e lori ekipa Assalam Fc hakat ba Qurtu Final Copa FFTL 2020. Dvo
