Husi Dezembru 2021 To’o Janeiru 2022 SMD Rejista Dengue 390
Naunil Media (Díli), Diretora Servicu Saúde Munisípiu Dili (SSMD) Agostinha da Costa Segurado, Hateten husi Dezembru 2021 to’o agora labarik nain 390 mak afeta ba moras Dengue no na’in ida mate iha Munisípiu Dili.
Diretora Saúde Munisípiu Díli hato’o lia hira ne’e ba jornalista sira bain ho ekipa saúde Munisípiu Díli fó vasiza terseira doze ba Prezidente Repúblika Francisco Guterres “Lú Olo” iha Palásiu Prezidensiál Nicolau Lobato Bairru Pite, Segunda (17/01/22).
“Dengue ita hotu hatene katak iha kedas fulan Dezembru nian laran ita rezistu númeru ne’ebé mak aas tebes, no rezulta ita nia labarik nain ida mak mate no too iha dia 16/01/22 dadus horseik ita iha Munisípiu Díli de’it ita iha 390 ital, labarik mak agora dadauk hetan tratamentu no balun rekoperadu ona,” dehan Diretora Saúde Munisípiu Díli.
Dirizente saúde Munisípiu Díli ne’e mós hein katak iha fulan rua mai ne’e governu liu husi ministeiriu saúde, no mós autoridade Munisípiu Díli esforsu makas oinsá atu apoiu nafatin.
“Ita espera katak ita sei nafatin iha fulan Fevereiru no Marsu nia laran, tanba ne’e mak husi ministeriu saúde liuliu apoiu makas husi saúde Munisípiu Díli ho autoridade Munisípiu Díli ami iha esforsu ida ne’ebé mak tenke buka oinsá fó apoiu makas”, katak nia
Nia mós hato’o ba komunidade hotu-hotu atu bele hola parte iha limpeza ne’ebé mak iha atu nune’e, intervensaun sira seluk, ne’ebé mak liga ho rega susuk distribuisaun ai-moruk ida ne’e bele la’o ho di’ak, no bele di’ak ba fatin sira ne’ebé mak nesesita atu bele halakon moras Dengue, Dehan nia.
Tuir dadus ne’ebé mak hatudu iha Munisípiu Díli iha área risku ne’ebé mak iha tinan 2022 nian mak hanesan Dom Aleixo, Kristu Rei, Nain Feto, Vera Cruz no mós Metinaro.
Jornalista *Jos
Editór Lop
