PR “Lú Olo” Simu Vasina Doze Datolu Husi Pfizer

Naunil Media (Díli), Prezidenti Repúblika (PR) Francisco Guterres “Lú Olo” simu Vasina datolu husi Pfizer hodi kontra pandemia Covid-19 tuir orientasaun husi ministeiriu saúde.

“Ohin mai simu tan doze ba dala tolu (3) vasina hasoru ou kontra Covid-19 nian, tuir orientasaun husi ita nia ministeiriu saúde nian, bolu katak doze reforsa ho nia doze nafatin hanesan uluk ho reasaun ai-moruk ida ne’e ,lahanesan  ida uluk ne’e so doutor sira mak ko’alia loos”, dehan ba Prezidenti Repúblika (PR) Francisco Guterres “Lú Olo” jornalista sira hafoin simu Vasina datolu iha palásiu Prezidensiál Nicolau Lobato Bairru Pite, Segunda (17/01/22).

Xefí estadu mós husu ba sidadaun sira hotu katak moras Covid-19 seidauk hotu iha mundu tomak inklui iha Timor-Leste tanba ne’e hotu-hotu ba simu vasina.

“Ha’u hakarak atu fo hatene ba ita boot sira katak Corona Virus ka Covid-19 seidauk hotu,  iha ita nia rai seidauk hotu mós iha mundu rai klaran entaun rai barak mós simu ona doze ba dala tolu di’ak liu tan ba ita para bele hotu-hotu aseita vasina ne’e dala ida tan, to’o dala tolu ne’e para bele proteze ita nia aan hasoru variasaun Covid-19 oioin ne’ebé mak mosu ikus liu bolu naran Omicrom”, katak “Lú Olo”.

Nia dehan, Variante foun Omikrom tama to’o iha Indonézia ona, naturalmente buat ne’e la’o hakat liu fronteira ba iha rai hotu-hotu entaun Timor-Leste vizinu ho moras aat ida ne’e nia variante ne’ebé mak mosu, tanba ne’e nia husu para hotu-hotu  bele ba simu vasina nune’e proteze aan di’ak liu, proteze familia no proteze povu Timor-Leste tomak.

Iha fatin hanesan Diretora Saúde Munisípiu Díli Agostinha da Costa Seguradu, Hateten ohin ministeiriu saúde liu husi saúde Munisípiu Dili fo terseira doze ba Prezidenti Repúblika hanesan mós desizaun ministeiriu saúde nian ne’ebé sei fó prioridade ba orgaun soberanu sira.

“Ita husi ekipa ministeriu saúde liu husi saúde Munisípiu Díli mai fo terseira doze ba Prezidenti Repúblika,  hanesan mós desizaun ne’ebé mak ministeiriu saúde hamutuk ho Organizasaun Mundiál saúde (OMS) katak sei fo prioridade ba orgaun soberanu nian ba terseira doze no mós ba idade 60 ba leten ho liña frente sira”, Tenik Diretora Saúde Munisípiu Díli

Directora Saúde Munisípiu Dili ne’e hatutan liña frente ne’ebé mak rezistu hanesan pesoal saúde iha mós ekipa seguransa nian ne’ebé mak iha totál hamutuk ho tinan 60 anus ba leten purvolta 4.000 Mil pesoas mak vasina ona ba terseira doze ba vasina Pfizer nian.

Agostinha Segurado hateten Vasina Pfizer ne’ebé mak disponivel iha hanutuk 5.000 Mil via konta ba doze iha 36.000 mil doze, ne’ebé mak sei fó prioridade makas liu ba iha labarik idade 12 anos too menus 18 anos ne’ebé mak Munisípiu Díli sei 7.000 Mil ital., labarik ne’ebé mak seidauk hetan kompleta segundu doze

Nia dehan ohin ekipa saúde Munisípiu Díli,  so bele atende 60 pesoas de’it husi ne’e so bele hetan apoiu via sanulu (10) atu bele responde ba 60 pesoas ne’ebé mak agora dadauk atende hela.

Jornalista *Jos

Editór Lop