Suspeitu COVID-19 Balu Hatudu Atetude Malandru Iha Kuarentena
Naunil Media (Díli), Kordenadór Planeamentu Monitorizasaun, Narsício Fernandes, hateten suspeitu moras Corona Virus Desiase 2019 (COVID-19) balu hatudu atetude malandru iha fatin kuarentena obrigatóriu, tanba ne’e susar atu kombate iha Timor-Leste.
Kordenadór Planeamentu Monitorizasaun, Narsício Fernandes, ba jornalista sira iha fatin kuarantena Hotel Palapasu, Domingu (12/04).
“Ami rona informasaun iha kuarentina disiplina, mesmu iha ida rua ne’ebe malandru otuan, maibe grasias a deus, ita bo’ot sira bele pasa ona loron 14 iha kuarentena”, hateten Narsício Fernandes.
Nia husu, ba sira ne’ebe pasa ona iha kuarentena durante loron 14 fila ba família nia leét, nafatin mantein regras sira atu nune’e bele kontribui ba kombate Covid-19.
“Ita bo’ot sira kompleta ona loron 14 iha kuarentena, maibe la signifika ita bo’ot sira negativu, tanba depois de ita bo’ot sira sai hosi iha ne’e keta lakompri regras prevensaun bele hetan fali risku”, salient Nia.
Antes ne’e ekipa sentru integradu fó livre ona ba ema sira iha kuarentena hamutuk nain 996, ne’ebe passa ona loron 14 tuir regulamentu Organizasaun Mundial Saude (WHO-Sigla Ingles).
Entertantu Ema sira ne’ebe mak pasa ona iha kuarentina loron 14 ohin totál ema hamutuk 116 no iha total 116 ne’e kompostu hosi fatin kuarentina 4, hanesan Hotel Farol hamutuk ema nain 30, Hotel Kolmera ema nain 27, D’City Hotel nain 30 no iha Hotel Novo Horizonte hamutuk ema nain 29. Uar
