Ohin SIJK Rejista Tan Kazu Mate Covid-19 Lima Inklui Joven-Ida
Naunil Media (Díli), Ohin loron 12 Fulan Setembru tinan 2021 Sentru Integradu Jestaun Krize no Sala Situasaun (SIJK-SS sigla portugês), Rejista tan ema mate Covid-19 Na’in (5) inklui joven tinan 14 na’in Ida (1).
Iha komunikadu imprensa Domingu ne’e Eis Ministru Saúde Rui Maria de Araújo relata katak numeru kazu detetadu foun aumenta uitoan, kompara ho horiseik, maibe Kazu rekopera Kontinua sae liu Kazu foun.
“Kazu foun relata ohin (133), Díli: 70, Raeoa: 22, Lautem: 18, Baucau: 10, Munisipiu Seluk: 13 no Kazu ativu (3.105), Kazu Rekuperadu (168), no Kazu óbitu ne’ebe Relata ohin (5)”, Relata Koordenador Forsa Tarefa ba prevensaun no mitigasaun Surtu covid-19 Iha Timor-Leste Dr. Rui Maria de Araujo liu husi Komunikadu imprensa domingu (12/09)
Nia dehan, total kazu detetadu foun ohin kazu 75 (56,5%) maka hatudu sintomas no 35 (26%) maka simu ona vasina kompletu, 11 (8%) simu ona vasina doze dahuluk.
Nia hatutan katak Óbitu ne’ebe relata ohin nain Lima (5), hsui Lospalos Rua, suai ida, Baucau ida no Bobonaro ida.
“Mane ho tinan 14 hela iha Lospalos Ia vasina, iha 10 setembru 2021 diagnostikadu ho sindroma insufisiensia respiratoria aguda (SIRA) tanba Covid-19. Loron ne’e kedas matebian hala’o tratamento iha Vera Cruz. Matebian sofre mos moras tetanu. Matebian is-kotu horikalan, 22h10”, Dehan Eis Primeiru Ministru Rui Maria de Araújo.
“Mane ho tinan 63 hela iha Lospalos seidauk simu vasina, iha 5 setembru 2021 diagnostikadu ho sindroma insufisiensia respiratoria aguda (SIRA) tanba Covid-19. Loron ne’e kedas matebian hala’o tratamentu iha Lahane. Matebian is-kotu horikalan, 22h25”, Hateten Rui
“Feto ho tinan 56 hela iha Suai, seidauk simu vasina, Iha 11 setembru 2021 diagnostikadu ho sindroma insufisiensia respiratdria aguda (SIRA) tanba Covid-19, iha Ospital Referensia Suai, no hahu hala’o tratamentu loron ne’e kedas iha ospital ida ne’e, tuir protokolu tratamentu ba Covid-19. Matebian sofre mos moras diabete ho moras fuan. Matebian iskotu horikalan, 19h20”, Katak Rui
“Mane ho tinan 97, hela iha Baucau, seidauk simu vasina, iha 11 setembru 2021, diagnostikadu ho sindroma insufisiensia respiratoria aguda (SIRA) tanba Covid-19, iha Baucau, no hahu hala’o tratamentu loron ne’e kedas iha fatin izolamentu iha Baucau, tuir protokolu tratamento ba Covid-19. Matebian sofre mos moras ipertensaun. Matebian iskotu horikalan, 21h12”, dehan Rui
Mane ho tinan 41 hela iha Maliana seidauk simu vasina, iha 9 agostu 2021 diagnostikadu ho sindroma insufisiensia respiratoria aguda (SIRA) tanba Covid-19. Loron ne’e kedas matebian hala’o tratamento iha Vera Cruz, tuir protokolu tratamentu ba Covid-19. Matebian is-kotu ohin, 14h10, Tenik Rui.
Tuir dadus Jeral ohin 12 Setembru tinan 2021, Kazu foun ohin (133), Dili: 70, Raeoa: 22, Lautem: 18, Baucau: 10, Munisipiu Seluk: 13 no Kazu ativu ohin (3.105) Kazu Rekuperadu ohin (168) no óbitu ne’ebé ohin Relata (5) sae ba (95) No total komulativu kazu konfirmadu Sura husi 21 marsu 2020 to’o mai ohin loron hamutuk (18.515) . Ipe
