Pesoál Saúde Nain Ida Konfirmadu Pozitivu COVID-19

Fahe Tutan

Naunil Media (Díli), Liuhosi Sala Situasaun, Porta Voz Sentru Integradu Jestaun Krize (CIGC-Sigla Português), dr. Sergio Lobo, informa enfermeiru nain ida (1) mak durante ne’e halo atendentu iha fatin izolamentu Sentru saúde Vera Cruz no Hospital Nasionál Guido Valadares (HNGV), konfirmadu positivu ba Corona Virus Desease 2019 (COVID-19).

Porta Voz CIGC, dr. Sergio Lobo, ba jornalista sira liuhosi komunikadu imprensa mak hala’o Centro de Convenções de Díli (CCD), Sesta (24/04).   

“Kazu konfirmadu foun ida hosi Darwin kona-ba profesionál saúde ida hala’o atendimentu saúde iha Centru Saúde Vera Cruz. Nia mos halo atendimentu iha Hospital Nasionál Guido Valadares, agora iha izolamemtu no nia kondisaun diak hela”, informa Porta Voz CIGC, dr. Sergio Lobo.  

Eis Ministru Saúde, dr. Sergio Lobo, informa liu tan, “Ema hotu ne’ebé kontaktu ho nia (enfermeiru), inklui nia família hetan ona hosi ekipa vizilansia epidemiolojika no laboratóriu foti teste ba sira hotu no sei hein rezultadu”.  

Dr. Sergio Lobo, apela ba populasaun atu fiar nafatin governu konstitusionál da-ualu lidera prosesu prevensaun no mitigasaun ba infesaun “Rona no fiar deit informasaun ne’ebe fo liuhosi konferensia imprenasa iha Sala Situasaun Sentru Integradu Jestaun Krize, CCD. Kolabora no partisipa nafatin ba regras hotu ne’ebé estadu determina ona ba distansiamentu sosiál, fízika no hijiene pesoal no tur hakmatek iha uma no fase liman bebeik”. Dehan dr. Sergio Lobo. Ana

Leave a Reply

Your email address will not be published.