Duodécimo La Sufisiente, PM Taur Haruka Proposta Alterasaun Lei OJF Ba PN

Fahe Tutan

Naunil Media (Díli), Primeiru Ministru (PM), Taur Matan Ruak, hateten governu jere orsamentu duodécimo la sufisiente ba dezastre naturál mak akontese iha rai laran, tanba ne’e haruka ona proposta foun ba Parlamentu Nasionál (PN) atu halo alterasaun ba  lei orsamentu jestaun finanseiru (OJF).

Xefe oitavo govenu konstitusionál, Taur Matan Ruak ba jornalista sira hafoin entrega apoiu nesesidade bazíku ba komunidade sira afeitadu inundasaun, iha suku Santa Cruz, Postu Admistrativu Vera-Kruz, Tersa (17/03).   

“Ohin ha’u haruka ona proposta alterasaun lei orsamentu jestaun finanseiru nian  ba parlamentu nasionál (PN).  Ha’u  espera katak parlamentu nasionál no  ba bankada hotu-hotu fó nian apoiu ba alterasaun  lei ida ne’e hodi fó dalan ba governu, atu  bele selu komprimisiu rai laran nomós ba rai liur tanba sistema orsamentu duodécima ne’e la sufsente hodi responde ba nesesidade nasaun nian”,  hateten Eis gerileiru no atual Primeiru Ministru Taur Matan Ruak.

Taur Matan Ruak dehan, reuniaun konsellu ministru sei deside, husu pedidu autorizasaun ba parlamentu nasionál atu foti osan fundu petroliferu, hodi responde problema sira ne’ebé akontese iha rai laran  inklui preparasaun preventiva ba moras corona virus.

“Aban ne’e konselu ministru sei deside para hato’o  pedidu autorizasaun  ba parlamentu nasionál, para foti osan la’ós hodi haree problema dezastre naturál de’it, ho mos komprimisiu sira ne’ebé iha hosi rai laran no ita mós perpara-an preventiva ba corona virus ne’ebé mai”, realsa PM Taur.

Xefe governu ne’e husu, bankada parlamentar  sira atu fó apoiu ba governu nian pedidu hodi relasiona ho situasaun dezastre natural no corona virus nian.

“Ha’u fiar metin ba bankada hotu iha parlamentu nasinál (PN) sira bele fó apoiu ida ne’e. Sé la’e ita nia naasaun bele hetan difikuldade bo’ot liu tan”. Dehan PM Taur. Uar

Leave a Reply

Your email address will not be published.