FONGTIL Husu Politiku Sira Konsentra ba Dezemvolvimentu

Fahe Tutan

Naunil Media (Dili), Diretór exekutivu Forum Organizaun Naun- Governamental Timor-Leste (FONGTIL), Daniel Santos do Carmo  husu ba polítiku sira  hapara violensia , politika uja ulun malirin hodi resolve problema tuir lei nune’e bele  konsentra ba desenvolvimentu nasionál hodi tau interese povu as liu interese politika privadu no partidaria.

“Situasaun ida agora ita hotu-hotu hatene’e tan ne’e ha’u laiha podia atu halo esplikasaun konaba politika rai laran maibé ami hanesan sosiedade sivil lakohi atu hamanas situasaun ne’e hodi halo ita nia povu paniku”,dehan Direktór Exekutivu  Daniel Santos do Carmo ba jornalista sira liu husi konferensia imprensa iha salaun FONGTIL  Kaikoli Sexta, (04/09).

Nia parte husu ba poltikusira idak idak kaer responsablidade hodi bele koalia ba povu situasaun rai laran hakmatek laiha kuaza ruma,

“Ba ita hotu, atu ita ida-idak iha responsabilidade moral atu kolia buat ne’ebé los ba ita nia povu, katak ita iha  situasaun rai laran lao hakmatek, hanesan atividade ekonómia, estadu, governu, no ne’e gosiante  sira lao diak hela hanesan bai-bain, ita sei preparasaun hela ba orsamentu 2021 nian ho eperansa orsamentu ne’e bele aprova hodi fó bene’efisiu ba ita nia povu”, nia salienta.

Diretór FONGTIL ne’e  nota relasiona ho situasaun loron hirak liu ba ne’ebé Fantil Forsa Defeza Timor-Leste (F-FDTL) halo vizilansia ba grupu  ida ne’ebé atu halo manifestasaun ne’e hamosu paniku  ba populasaun sira.

“Situasaun iha loron hirak liu ba  F-FDTL ba vijilansia iha grupu ida ne’ebé atu halo manifestasaun entaun hamósu paniku ba ita nia povu sira maibé ida ne’e laos ha’u nia kopetensia atu halo esplika saun,  tanba ita hotu hatene ho ida ne’e mak ami hasai mensajen ida ne’e atu koalia imfórmsaun sira ne’ebé domina hodi halo ita nia povu paniku”, haktuir Diretór FONGTIL Daniel Santos.

Nia mós husu medi atu  konstrinu ba informasaun ne’ebé atu labele kria paniku iha komunidade.

“Ha’u hanoin papél media no papél sosiedade sivil ita iha kontribuisaun atu halo infórmasaun ne’e labele manas tuir deit ema ida ka rua nia interese maibé oinsa maka ita hotu-hotu fókus ba ita ida-idak nia papél”. Tenik  Diretór Ezekutivu FONGTIL Daniel Santos.. Emj5

Leave a Reply

Your email address will not be published.