Lere: Presensa F-FDTL iha Residensia Angela Freitas Tanba Konsidera Risku

Fahe Tutan

Naunil Media (Dili), Xefe Estadu Maior Jeneral Falintil Forsa Defeza Timor-Leste  (F-FDTL) Maijor Jeneral Lere Anan Timur  klarifika presenza membru Falintil Forsa Defeza de Timor-Leste (F-FDTL) iha residensia  Prezidente Partidu Trabalista Angela  Freita tanba tanba area refere risku.

Tanba ne’e nudar Xefe Estadu Maior Jeneral  F-FDTL nia parte tenke toma inisiativa  nu’udar fórsa armada no dupla funsaun iha rai ida ne’e defeza externa no defeza interna.

Ha’u tenki toma inisiativa lalais hodi interven, ha’u interven duni ne’e mak hanesan ohin ha’u dehan “area ne’ebé mak Angela Freitas hela ne’e zona risku, tenke kontrola no laos ida ne’e deit iha mós Tasi-Tolu, militar sira iha ne’eba laos tanba Angela tanba ami nia ema kadetis fóun sira agora dadaun ne’e treinu hela iha ne’eba, iha ne’eba ne’e zona demóstrasaun keta Angela ba hadau fali ami nia kilat ida ne’e mak ami nia ema sira ne’e iha ne’eba no ema ida labele kestiona buat sira ne’e, dehan Maijor Jeneral Lere Anan Timur ba jornalista sira hafóin konferensia pers iha Quarter Jeral Fatuhada, Sexta (4/09).

Lere hatutan intervensaun ne’ebé maka nia parte antes ne’e iha ona  kordenasaun ho parte Komadante Jerál Polisia Nasionál Timor-Leste. Tanba  labelele hamosu espekulasaun  dividas no espekulasaun oin oin. “Ami asintura konjunta ho komandante polisia nasionál atu kopera iha seguransa interna”, dehan nia.

 Tuir Lidera Maximu F-FDTL ne’e katak  Timur-Leste hanesan nasaun ida ne’ebé mak joven hanesan ai ida ne’ebé fóin kuda tanba ne’e ema hotu hotu no entidade hotu hotu tenke iha responsablidade halo protesaun.

“Ai ne’ebé ita fóin kuda ita ba fókit fali baihira mak nia abut metin fali, ha’u hatete bebeik ona kuandu fórsa armada ho PNTL mak metin ne’e nasaun metin”, hateten Lere.

Veteranus tinan 24 ne’e fundamenta katak nia parte simu kritiku ne’ebé iha loron hirak liu  relasiona presensa F-FDTL nian iha residensia Angela Freitas maibé Kritika sira la obriga hodi limiti instituisaun F-FDTL no PNTL nia servisu.

“Ita nia maluk sira ne’ebé  ne’ebé mak kritika ne’e labele obriga ami hodi taka ami nia ibun no kesi ami nia liman ain atu labele bo’ok an tanba ita nia nasaun ne’e soberanu laos nasaun koloniál, ida ne’e mak ita nia maluk Timor oan ne’ebé mak kritika ne’e tenki estuda makas no labele deskonfia arbiru deit ema sira ne’ebé mak arbiru ne’e hakarak sobu nasaun no sira hakarak lori nasaun ne’e ba rai kuak”, tenik Lere.

Lere husu ba populasaun hotu labele fiar buat seluk mai kontinua deposiza fiar ba F-FDTL atu institusaun ne’e bele halo servisu ho diak liu tan.

“Husu ba imi atu fiar nafatin fórsa armada sira kuandu interven bele dehan ida ne’e nesesidade  no iha razaun atu interven ba situasaun saida deit mak akontese iha ita nia rai ida ne’e”,  dehan dehan nia. Flo

Leave a Reply

Your email address will not be published.