Aula Onliñe, Dekanu FCS-UNTL Husu Dosente Labele Obriga Estudante
Naunil Media (Díli), Relasiona ho konfinamentu Obrigatoriu ne’ebé dadaun ne’e ativa hela hodi hapara atividade hotu inklúi atividade akadémika, dekanu husi Fakuldade Siénsias Sosiais, Universidade Nasionál Timor Lorosa’e (FCS-UNTL) Camilo Ximenes Almeida, husu ba dosente sira nafatin fó flexibilidade ba estudante sira,no labele obriga, sira atu tuir aula online iha situasaun ida agora.
Aman ba faculdade Faspol ható asuntu ne’e hodi fo atensaun ba dosente no estudante sira ne’ebé mak dadaun ne’e realiza hela aula virtual (onliñe). Tanba haré ba realidade estudante barak mak la iha fasilidade inklui balun sei destaka ba sira nia munisipiu.
“Iha situasaun hanesan ne’e Dosente labele obriga estudante sira, maibé fo flexibilidade ba estudante sira, hotu-hotu atu estuda iha uma”, dehan Dekanu FCS-UNTL Camilo Ximenes Almeida ba Naunil Media via whatsapp, domingu (13/6).
Nia hatutan,maske dosente sira nafatin fó flexibilidade, maibé husu atu orienta estudante sira kontinua estuda no aprende iha uma.
“Iha ema nia nasaun seluk, maske situasaun covid-19 maibé atividade akademika kontinua lao, Tanba ema nia teknolojia avansadu,” dehan decanu FCS.
Kona-ba aula virtual ba estudante sira, antes ne’e governu liu hosi Ministeriu Ensinu Súperior Síensia no kultuta (MESSK) promete ona atu apoiu pulsa ba kada estudante sira hodi tuir aula virtaul, maibe to ohin loron seidauk realiza.LOP
