Rotarac Club of Manatuto, Apoiu Nesesidade Bázika Ba Ema Kbiit Laek, Ho Difisíensia
Naunil Media (Manatuto) Rotarac Club of Manatuto (RCM) fó apoiu nesesidade bázika ba komunidade kbiit laek 30 inklúi difisíensia nain-8 iha aldeia, Torilalan suku Orlalan, postu administrativu Laclubar, Munísipiu Manatuto
Tuir prezidente interinu RCM Filipio Soares deklara, objetivu husi apoiu ne’e hanesan parte ida hodi ajuda maluk kbiit laek sira ne’ebé mak presiza tulun, liu-liu iha situasaun hirak ne’ebé mak dadaun ne’e akontese iha rai laran, hodi fó afeita ba sira nia ekonomia.
“Objetivu prinsipal husi atividade ida ne’e mak atu enkoraja nafatin Joven no estudante maluk sira seluk, Servisu hamutuk hodi hametin ami nia-unidade no amizade, atu hakbiit netik familia kbi’it Laek no familia difisente sira nia kbi’it iha situasaun difisil ida ne’e,” dehan prezidenti interinu ne’e hafoin remata distribui sasan ba komunidade sira, mak realiza iha Torilalan Laclubar, sabadu (12/06/2021).
Nia deklara durante fo apoiu, Joven no estudante husi Rotarac Club of Manatuto nian Voluntariamente Lao ain tama sai suku no aldeia sira hodi oferese diretamente nesesidade bazika ba komunidade sira.
“Familia kbi’it-Laek no familia difisiente sira senti haksolok tebes ho Prezensa Rotarac Club of Manatuto nian, maske distansia ne’ebé dok maibé ami nafatin ho Domin bo’ot Lao ain sae foho, tun foho hakur mota hodi ba hare diretamente sira iha sira ninia Hela fatin,” nia haktuir.
Tuir nia apoiu hirak ne’ebé sira oferese mak, mina, Masin Masako no nesesidade sira seluk
Kona-ba apoiu hirak ne’e tuir prezidenti interinu ne’e deklara antes ne’e sira mos fo apoiu ona sasan nesesidade bazika ba iha komunidade sira husi postu administrativu Laclubar Suku Batara, Orlalan, funar no fatumakerek, nune tuir planu sira nia grupu sei kontinua apoiu hodi fura be’e mos ba iha Eskola Kay Rala ho eskola Teknik vokasional Manatuto ne’ebe iha ona prosesu nia-laran.
“Ami realiza atividade ida ne’e tamba hetan fiar husi Membru seluk husi Rotary Dili Lafaek (ROCLAF), ne’ebe kada fulan selu ba akonti Rotary Internásional no hetan fila fali apoi ne husi Rotary, no tinan oin ami mos hahú selu ona Member fee ba Akonti Rotary nian”.
Grupu RCM hari iha loron 02 fulan fevereiru tinan 2018 kompostu husi Estudante no Joventude voluntariu husi postu Administrativu 6 mak hanesan Manatuto villa, Laleia, Laclo, Laclubar, Soibada no Barique. No Grupu refere hetan legalizasaun Internasionalmente iha loron 25/06/2018. DMS
