Governu Sei Selu Kuarentena Otél Leokase Montante U$ 24, 342.60

Fahe Tutan

Naunil Media (Díli), Jestór Ótel Leokase, Marciana dos Reis Soares, informa governu aluga Otél Leokase sai fatin kuarentena  ba abitante sira ne’ebe mai hosi nasaun sira afeitadu no tuir kontratu governu sei selu ho montante U$ 24,341.60.

Jestór Otél Leokase, Marciana dos Reis Soares, ba jornalista sira iha areadór Otél Leokase, Rai Kotu, Sesta (24/04).

Tuir Marciana informa, Otél Leokase oferese kuartu 16 ba abitante nain 34 no pesoal saúde nain rua, enkuantu kontratu ne’ebé governu liuhosi Ministériu Komersiu Indústria no Ambiente (MCIA-Sigla Português) halo ho Otél nia kustu kada kuartu loron ida U$ 45.00 (haat nulu resin lima), no kustu hahan ba kada ema ida U$ 9.50.

“Kontratu iha ne’e primeiru ami fó U$ 65.00, maibé ita Timor oan hotu, entaun hatun ba U$ 45.00 kada kurtu iha loron ida. Sira iha ne’e hamutuk nain 34 no ho pesoál saúde nain 2, entaun sira hamutuk nain 36”, relata Nia.

Jerente ne’e hatutan, iha  kontratu la’os kada ema ida, maibé kontratu kada kuartu.

“Tanba iha ne’e kurtu balun bo’ot liu entaun iha kurtu ida simu ema nain 3 ka 4. Sira iha ne’e durante loron 23, sura hosi loron tama iha loron 2 fulan Abríl to’o mai horseik 24 Abríl, entaun totál loron hamutuk 23. Hahan ba sira, ami mak halo tratamentu ba sira, kada loron ida dala tolu, dader, meudia no kalan i sira iha ne’e ema ida han U$ 9,50 loron ida, maibe ne’e la sura ho U$ 45 ne’e, hahan nian sura ketak no selu kuartu ketak”, esplika Nia.

“Totál orsamentu ne’ebé governu fasilita ba estudante nain 34 iha sentru kuarantena hotél Leokase, kada ema ida han dala ida ho orsamentu U$ 3,16, entaun loron ida ema ida han dala tolu dader, meudia no kalan han osan hamutuk U$9,50 nune’e ema nain 36 loron ida han orsamentu hamutuk U$ 323, nune’e total hamutuk ba ema nain 36 durante han iha loron 23 no sura ho ohin loron sorin han orsamentu total hamutuk U$7,782.60 (dolla amerikanu rihun hitu atus hitu ualunulu resin rua sentavus neen nulu)”, haklean Nia.

“Total ba orsamentu selu kuartu loron ida U$45, kuartu hamutuk 16 entaun kada kuartu ida sura hosi loron 2 to’o loron 24, hamutuk 23 iha kuarentena no ho total orsamentu hamutuk U$ 16,560.00”, esplika jerente ne’e.  

Totál orsamentu ba estudante nain 34 inklui ho pesoál saúde nain 2 iha Otél Leokase durante loron 23, ba aluga kurtu no sura ho hahan kada loron hamutuk U$ 24, 342.60, orsamentu hirak ne’e sei iha prosesu, seidauk iha pagamentu hosi governu. Uar

Leave a Reply

Your email address will not be published.