Lere Konsidera Lei Pensaun Vitalísia Sei Sabraut

Fahe Tutan

Naunil Media (Dili), Xefi Estadu Maiór Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, deklara  lei pensaun vitalísia sei sabraut, tanba veternu 24 anos la iha pensaun vitalisia.

“Membru parlamentu sira la iha direitu atu simu pensaun vitalísia, lei ne’e mos halo sabraut hela, tanba sa mak ami veteranu sira 24 anos la iha pensaun vitalísia”, Eis-Komandante Rejiaun Um Ponta Leste atual Xefi Estadu Maiór Jenerál F-FDTL, Maijór Jenerál Lere Anan Timur, ba jornalista sira hafoin enkontru semanal ho Prezidente Repúblika (PR) Francisco Guterres ‘Lú Olo’ iha Palásiu Prezidensiál Nicolau Lobato, Bairu Pite, Kuarta (15/06).

Veteranu ne’e hatutan “Hau nia katuas sira ba refórma ne’e ko’a taan nia osan 1.10 Dollar Amerikanu kada fulan, ida ne’e moral la iha”.

Nune’e Lere husu ba deputadu sira ne’ebé hola poszisaun tur iha uma fukun parlamentu nasionál la’os deit atu hein simu pensaun vitalísia maibé tenke halo lei ne’ebé mak loloós hodi fó garantia ba ema hotu liu-liu garantia veteranu 24 anos sira. Dms

Leave a Reply

Your email address will not be published.