PM Taur : “Governu TL Sei Deporta Estranjeiru Nain-13”
Naunil Media (Díli), Primeiru Ministru (PM), Taur Matan Ruak, hateten dadaun ne’e governu Timor-Leste halo hela preparsaun no tratamentu ba sidadaun Vietnam nain-11 inklui Indonesia nain rua-2 hodi haruka fila hikas ba sira nia nasaun.
“Ohin koalia ho Prezidente da Republika kona-ba sidadaun Vietnam nain-11 inklui Indonesia nain-2 ne’ebé ita kaptura dadaun ne’e no ita trata hela oinsa mak atu haruka sira fila ba sira nia rain”, Xefe Governu konstitusionál da-ualu, Taur Matan Ruak, ba jornalista sira hafoin enkontru semenál ho Prezidente Repúblika, Francisco Guterres ‘Lú Olo’, iha Palasiu Prezidensiál, Bairo Pite, Kinta (18/06).
Sidadaun nain-13 ne’e tama iha Illa Jaco Munisipiu Lautém iha loron 12 fulan Juñu ne’e ho sira nian Ró, tanba presiza konbustivel atu kontinua sira nia viajem ba Indonézia. Dms
