Subsídiu Uma-Kain, PM Taur : “Tenke Hadi’ak Dadus Ne’ebe Laloós”

Fahe Tutan

Naunil Media (Díli), Primeiru Ministru (PM), Taur Matan Ruak, hateten relasiona ho subsídiu família iha teritóriu timor laran mak hamosu reklamasaun balun kona-ba dadus uma-kain ne’e governu sei hadi’ak, wainhira pagamentu faze dahuluk remata.

“Kona-ba pagamentu ne’e hanesan prosesu ne’ebé ita primeira vez halo, iha problema lubuk ne’ebé ita iha, maibé hau espera depois de prosesu ne’e hotu ita hadi’ak fali sira ne’ebé reklamasaun inklui sira ne’ebé la loos, tenke hadia”, Xefi Governu konstitusionál da-ualu, deklara asuntu ne’e ba jornalista sira hafoin enkontru semenál ho Prezidente Repúblika, Francisco Guterres ‘Lú Olo’ iha Palasiu Prezidensiál Bairu Pite, Kinta (18/06).

Eiz  Jenerál Fitun Rua ne’e, informa pagamentu ne’e dadaun ne’e, la’o ho di’ak no espera sei remata ho susesu.

“Kona-ba pagamentu sira ne’ebé  halo dadaun iha Timor laran ne’e lao diak, hosi loron primeiru to’o mai horseik loraik entre 298 mil ital. Ita selu ona 231 mil, espera loron hira tuir mai hotu ona” tenik PM Taur Matan Ruak.

 Enkuantu pagamentu subsídiu uma-kain iha teritóriu timor laran, hahu ona husi loron 9 to’o 23 fulan Juñu ne’e.

Atribuisaun direitu subsídiu ne’e, Governu konstitusionál da-ualu bazeia ba dadus sensu populasaun iha tinan 2015 ho total uma kain 204.597 no dadus sensu agríkola tinan 2019 ho total uma-kain 213.400. Dms

Leave a Reply

Your email address will not be published.