FEATUREDIkus LiuNewsPolitika

Sara Lobo : Governu Sei Halo Pagamentu ba Uma Kain Sira Seidauk Hetan Subsídiu

Fahe Tutan

Naunil Media (Díli), Vise-Ministra Finansas, Sara Lobo Brites, hateten tempu badak, Governu sei halo pagamentu ba uma kain sira mak seidauk hetan direitu subsídiu.

“Prosesu pagamentu ne’e ami haruka ona ba banku Nasionál Komersiu Timor-Leste (BNCTL-Sigla Português), dadaun ne’e Ministériu Solidaridade Sosiál hamutuk ho Ministériu Estatal, sira sei organiza pagamentu iha tempu badak”, teknik membru Governu konstitusionál da-ualu, Sara Lobo Brites, ba jornalista sira hafoin enkontru ho Primeiru Ministru, Taur Matan Ruak, iha Palásiu Governu, Segunda (23/11).

Enkuantu kona-ba preokupasaun deputadu sira iha parlamentu nasionál ba salariu ajente sira públiku nian, Nia akresentan, hanesan públiku tomak hatene, aprezentasaun orsamento 2021 nian bazeia ba programa Parlamento katak sei iha difikuldade, iha Debate sekarik Governu presija fornese-tan tabela balun ne’ebé mak hakerek orsamentu ne’e ba klasifikasaun organika la’os nível Ministériu maibé tun to’o nível revizaun.

Livru sira ne’ebé mak apresenta iha 4A, 4B iha informasaun sira ne’e parlamentu husu atu halo sumáriu iha tempu badak no ita sei haruka-tan ba Parlamentu Nasionál (PN).  

“Salariu iha fulan uluk-uluk, ita sempre selu sedu entre loron 20 ho 21 maibé fulan Novembru atraza uituan tanba iha fulan Novembru, ita sei aktualiza dadus hotu ne’ebé mak direitu ema nian hanesan retrativus (over time) no promosaun tanto ida ne’e mak atraza”. Eva

Leave a Reply

Your email address will not be published. Required fields are marked *