Akuza Alkatiri Simu Subornu, Alexandrino : CNRT Labele Kari Rai-Rahun

Fahe Tutan

Naunil Media (Díli), Bankada FRETILIN, deputadu Alexandrino Cardoso, hateten Partidu Congreço Nacionál Reconstrução de Timor (CNRT) atu labele kari rairahun ba povu nia matan no labele lori problema ne’ebé rezolve liu tiha ona hodi halo konfuzaun ba públiku.

Deklerasaun polítika ne’e Deputadu Alexandrino Cardoso hato’o durate sesaun plenária iha Parlamentu Nasionál (PN), Segunda (06/07), hodi hatan ba deklarasaun husi deputadu bankada CNRT, Patriocino Fernandes, dezafia Eis-Primeiru Ministru no aktual Sekretáriu Jerál Partidu FRETILIN, Marí Bin Amudi Alkatiri atu lori kompania Oceanic Exploration ba Tribunal nune’e públiku labele hela ho dúvida.

“Hau hanoin ita labele kari rai-rahun ba povu no lalika halo fali konfuzaun ba públiku, se tuir ita bo’ot sira nia hare’e iha evidensia forte karik, favór ida lori ba Tribunal tanba iha mundu ne’e Tribunal deit mak desidi lia los”, dehan deputadu bankada FRETILIN, Alexandrino Cardoso.

Akuzasaun ne’ebe hanesan, antes ne’e liuhusi konferensia imprensa iha sede Partidu Trabalhista Akait, Porta voz Rejistensia Nasionál Defende Justisa no Konstituisaun Repúblika Demokrátika Timor-Leste (RNDJ-K-RDTL), Ángela Freitas mos husu Eis-Primeiru Ministru (PM) no Sekretáriu Jerál Paratidu Frente Revolusionáriu Timor-Leste Independete (FRETILIN), Marí Bin Amudi Alkatiri atu esplika ba públiku kona-ba simu subornu $2.5 miliaun husi ConocoPhilips.

“Ba kazu subornu ne’ebe ita hotu hatene, ita nia eis Primeiru Ministru Marí Alkatiri tenke toma responsabilidade atu bele esplika ba povu kona-ba simu subornu husi ConocoPhilips ne’ebe ita hotu hatene dadaun ne’e espalla iha media no públiku”. dehan Porta voz RNDJ-CRDTL, Ángela Freitas. Uar

Leave a Reply

Your email address will not be published.