Falur Aprezenta Situasaun Jerál no Rekrutamentu F-FDTL Foun ba PR

Naunil Media (Díli), Vise xefe estadu maior Jeneral Falintil Forsa Defeza Timor-Leste (F-FDTL) Maijor Jeneral Falur Rate Laek no Xefe estadu maior Falintil Forsa Defeza Timor-Leste (F-FDTL) Brigadeiru Calisto Santos Coliati aprezenta situasaun jerál no rekrutamentu membru F-FDTL foun ba Prezidente Repúblika (PR) Francisco Guterres “Lú Olo”

“Ami mai ne’e xefe estadu maior Jeneral la mai mas ami nain rua mai aprezenta situasaun jerál do pais mas momentu ida agora ne’e ami fokus liu ba situasaun espesifiku ne’ebé halo preparasaun ba rekrutamentu foun ne’e selesaun ba rekrutamentu foun iha Metinaro prosesu ida ne’e de’it”, Dehan Maijor Jeneral Falur Rate Laek ba Jornalista sira hafoin remata enkontru ho Prezidente Repúblika Francisco Guterres “Lú Olo” iha Palásiu Prezidente Nicolau Lobato Bairru Pite, kuarta (16/06).

Falur hatutan, Durante prosesu teste ba Membru F-FDTL ne’e, nia parte iha administrasaun no finansas mas la’ós atu ko’alia beibeik tanba patriotismu nasionalismu iha ne’e tenke limite perguntas.

“Ha’u hanoin ita bo’ot sira hein dala ruma imi hetan informasaun barak liu, ha’u ida ne’e lá’os ha’u nia área ha’u parte iha administrasaun finansas aprovizoriamentu ne’e xefe estadu maior, mas ami la’ós ami atu ko’alia beibeik imi mós tenke sente katak buat ne’ebé imi kontribui di’ak, para la bele buat ida be degradasaun sentidu patriotismu nasionalismu ita nia rai ne’e ita tenke limite ita nia perguntas”.katak Maijor Jeneral Falur.

Falur dehan, meus ne’ebé  mak agora uza ba selesaun F-FDTL foun mak  fou-foun nia bá haree selesaun dokumental hotu ona ne’e mak sira tais ona lubuk ida hili ona lubuk ida ne’e mak sira ba aprezenta iha ne’ebá no ba ho rekezitus ida Corona ninian.

“Se Corona kona nia bá lai kuarentena hotu tiha mak nia foin ba depois ba iha ne’ebá halo intervista uituan sukat nia altura ne’e too ka lae teste nia matan teste nia tilun depois nia komesa halo ezersisiu fíziku teste fíziku depois tama ba eskrita no oral buat sira ne’e hotu liu hotu para depois nia pontus sira ne’e hotu para nia bá manán ka la manán”, Katak nia.

Iha biban ne’e Presidente Repúblika mós animadu husu perguntas barak liu-liu ba xefe estadu maior nu’udar prezidente komisaun organizadora ka komisaun selesaun ninian nia kestaun duvidas barak ne’ebé xefe estadu maior nian esklarese, Dehan nia.

No kona-bá kestaun Tekníka sira legadu ba sekuensia ne’ebé selesaun ninian, husu kona ba saúde teste saida mak halo depois objetivu saida mak hakarak alkansa, ida ne’e hotu target saida mak hakarak estandar saida mak hakarak ne’e levanta kestaun barak ne’ebé xefe estadu maior esklarese ba Prezidente Repúblika, Nia hakotu. *Jos