CIGC-SS Rejista Kazu foun 71, Rekopera 206
Naunil Media (Díli), Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, Informa ohin loron 15 fulan Juñu 2021, Centro Integrado Gestão de Crises, Sala Situação (CIGC-SS sigla portugés) Rejista Kazu Covid-19 foun (71), rekopera (206), Ativa (1354).
“Dadus jerál ba Timor-Leste tomak kazu detetatu foun ne’ebé relata ohin loron 15 fulan Juñu tinan 2021 (71) iha Dili (44), iha no munisipiu seluk 27, Kazu rekuperadu (206), total kazu ativu ohin, (1354) total kazu konfirmadu kumulativu iha 15 de Juñu 2021 sura husi 21 Marsu 2020 (8412)”, Dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Eis Primeiru Ministru Rui Maria de Araújo, ba jornalista sira liu husi komunikadu Imprensa, tersa (15/06).
Nia hatutan, kazu detetadu foun ohin mane (45) no feto (26) husi total kazu detetadu hirak ho idade tinan 12 na’in-1 no tinan 12-59 na’in-64 (90,1%) no tinan 60 nain-6 no kazu detetadu foun proporsaun sintomátiku hamutuk (11,2%).
Nia informa husi horiseik mai ohin, hamutuk hotu laboratóriu Nasionál Saúde halo 1100 testes PCR iha íli, Vijilánsia sentinela na’in-4, Rastreiu ba kontaktu (55), Rastreiu Aleatóriu (143), Viajen sai husi serka sanitária munisipiu Dili (760), Viajen internasionál (116), Follow up iha quarentena (22).
Nia haktuir total testes PCR ne’ebé halo horiseik iha munisípiu sira seluk , HNGV, hamutuk (560), detalle hanesan, Baucau (100), Ermera (145), Maliana (54), Maubisse (110), RAEOA (10), Suai (43), Viqueque (18) no HNGV (80).
Ikus nia dehan evolusaun surtu covid-19 iha munisipiu Dili, no munisipiu sira seluk no mos Raeoa atu hatene surtu ninia evolusaun, no mós surtu aumenta ka diminui, indikador ida ne’ebé matenek-nain epidemiolojia uza, maka insidénsia, konvensionalmente sukat total kazu foun, kada loron, pur 100 mil habitantes.
Tuir dadus númeru ema mate ho Covid-19 total 18 iha Díli 16, Liquiçá na’in 1 no Bobonaru na’in 1. Ipe
