Diretór CCT Xisto Moniz: Tenke Muda Mentalidade Agrikultór

Naunil Media (Díli), Diretur Jerál Coperativa Cafe Timor (CCT) Xisto Moniz Piedade hateten, Tenke muda mentalidade agrikultór hotu, tanba kuandu kafé fuan gosta hamoos maibé kafé liafuan ona sira husik ona.

 “Ita tenke muda mentalidade ita nia agrikultor sira ita hotu hatene dehan ita nia agrikultor sira kuandu kafé fuan sira gosta hamoos mas kuandu kafé la fuan sira husik hela de’it, mas ita tenke kuidadu mós ita hakarak produsaun ba kafé mós ita tenke tratamentu ba kafé kuandu ita lahalo tratamentu nia labele iha produsaun,” dehan diretur jerál CCT ba jornalista sira hafoin enkontru ho Prezidente Repúblika PR José Ramos Horta iha Palásiu Prezidensiál Nicolau Lobato Bairru-Pite, Kuarta, (01/06).

Nia  hatutan, Prezidente Repúblika hakarak hasa’e produsaun kafé iha Timor-Leste, no tenke hadia kafé tanba tempu uluk kafé 20 mill toneladas mas agora to’o de’it 6 mill too 8 mill toneladas.

“Ne’e duni Prezidente hakarak atu hasa’e produsaun kafé mas buat barak mak ita tenke hadia tanba kafé tuan ona, enprinsipiu señór Prezidente hakarak hasa’e produsaun kafé iha Timor, ne’e tanba ita nia kafé ne’e uluk tempu Portugés ne’e dehan 20 mill toneladas mas agora ne’e laiha 6 mill ba too 8 mill toneladas protesaun tinan ne’e” katak nia.

Jerente CCT ne’e hateten, Prezidente Repúblika mós husu mais ou menus tinan uluk CCT hola toneladas entaun CCT babain hola 20 mill toneladas no halo esportasaun 3.500 de’it esportasaun ba iha rai li’ur mas tanba tinan ne’e iha mudansa klimatiku entaun produsaun menus.

Diretur Jerál ne’e esplika, CCT ho NCBA hola too maximu ne’e 10 mill too 12 mill entaun halo esportasaun mais ou menus metade husi tinan uluk, mas Prezidente Repúblika hakarak liuliu tenke Promove kafé Timor hanesan ba rai li’ur hanesan loke kafé iha Malasya no iha Singapur.

Xisto dehan, Atu Promove kafé Timor iha li’ur ne’e primeiru hasa’e produsaun kuandu produsaun la too bele Promove kafé iha rai li’ur mas deripenti kafé laiha atu halo nusa entaun parte husi CCT ho governu tenke hola parte mós no fó mós ideia para hasa’e mós produsaun kafé iha Timor.

Nia salienta iha enkontru ne’e Prezidente Repúblika mós husu presu kafé mas parte CCT resposta dehan presu akomoda presu merkadu mundiál, mas desde uluk kedas CCT hola kafé sempre tuir merkadu internasional agora dadauk hola kada kilo grama 0.45 centavus se agrikultór sira lori rasik mai entaun 0.48 centavus.

Iha Timor-Leste kafé mak tenke kuidadu liu mak kafé depois aban bainrua mina hotu kafé sei la’o nafatin ne’e mak labele hanoin estraga kafé labele haree ba nia folin mas haree ba produsaun, nia hakotu.*Jos