Governu Sei Apoia Vítima Dezastre Naturál Rihun Tolu

Fahe Tutan

Naunil Media (Díli), Ministru Estadu Prezidensia Konsellu Ministru (MEPKM), Fidelis Leite Magalhães, informa Governu sei apoiu orsamentu ba família vítima afeitadu hosi dezastre naturál iha tinan 2019 hamutuk rihun tolu.

“Iha  fulan Outobru tinan 2019, família vítima  besik 3 mill ne’ebé afetadas hosi insendiu no anin bo’ot iha munisípiu sira hanesan Ainaro, Aileu, Bobonaro, Ermera no Likisa. Ohin  verifika katak populasaun sira ne’ebe sai vítima hetan apoiu ho montante  totál U$933 mill”, MEPKM, Fidelis Magalhães, ba jornalista sira liuhosi  konferensia imprensa, iha Palasiu Governu, Segunda (22/06).

Governante ne’e informa, atuasaun dahuluk Governu apoiu uluk ona nesidade bázika no apoiu segundu mak rekuperasaun ba uma sira ne’ebé hetan estragus, governu apoiu orsamentu ba vítima sira.

“Husi parte sekretáriu estadu protesaun sívil (SEPS) sei fó mos apoiu ba bens apoiu alimentár no materiál konstrusaun ba família ne’ebé afetadu ba inundasaun akontese iha loron 13 Marsu hamutuk 4681 iha sidade Díli no SEPS  apoiu bens apoiu alimentar ai-han no materiál konstrusaun ba família sira nee”, haktuir Ministru Fidelis Leite Magelhães.  

Ikus liu, nia relata “Dadus totál vítima dezastre natural hamutuk 2.194, iha munisípiu Baucau, Covalima, Lautém, Manatuto, Manufahi no Vikeke hetan ona apoiu emerjénsia ho valor U$450 mill, e apoiu sira ne’e hodi bele aguenta ba inundasaun ne’ebe akontese no sira ne’ebé sai vítima husi rai halai no rai monu ne’ebé akontese liu-liu iha parte Ponta Leste no Kosta Sul”. Apm.

Leave a Reply

Your email address will not be published.