COVID-19 : TL La Rejista Kazu Foun
Naunil Media (Díli), Liuhosi Sala Situasaun, Porta voz Sentru Integradu Jestaun Krize (CIGC-Sigla Português), dra. Odete da Silva Viegas, informa CIGC larejista ona kazu foun, maibé komunidade sira tenke kontinua inplementa regras prevensaun.
“Hanesan ita hotu hatene to’o agora kazu COVID-19zero. Transmisaun ba komunidade mos laiha, ida ne’e mak susesu no esforsu tomak hosi Governu no Estadu nian, maibé ita nafatin halo sentenela surveillance ba iha teritóriu iha Timor laran tomak ba kazu suspeitu no ema ne’ebé mak iha moras sistema respiratoriu atu nafatin submete ba teste laboratóriu”, tenik Porta voz CIGC, dra. Odete da Silva Viegas, ba jornalista sira iha Centro de Convenções de Díli (CCD), Segunda (22/06).
Porta voz CIGC ne’e relata, dadus kazu akumulativu ba teste laboratóriu hamutuk 2.118 hosi númeru ne’e rezultadu teste laboratóriu hamutuk 1.896 negativu no hein rezultadu teste 198.
“Ita iha nafatin ema ne’ebé submete ba kuarentena no auto kuarentena ho total hamutuk 38, hosi Díli 53, no munisípiu 30, auto karentina totál 30, Díli 28 no hosi munisípiu 2. Ema ne’ebé pasa ona loron 14 iha kuarentena no auto-karentena totál hamutuk 2.534. Hosi númeru ne’e iha Díli 1.997 no munisípiu hamutuk 537”, akresenta Nia.
Odete informa, dadus ema tama ilegal mai Timor-Leste totál hamutuk 75, hosi númeru ne’e husi Oe-Cusse rejista nain-29, identifika hosi Díli nain-30 no Suai nain-16. Ikus nia dehan,
“Estadu emerjénsia ba datoluk hela loron 2 remata, governu atu reativa fila fali fronteira tereste, marítima no Aero, maibé sei kompri nafatin regras ne’ebé mak durante aplika iha estadu emerjénsia hodi hein deklarasaun mundiál COVID-19 nian”. dehan dra. Odete. Lop/Dul
