Torneu MAPKOMS 2020 : Naunil Dere Independente 7-1

Naunil Media (Díli), Ekipa Futeból Salaun  mane Naunil Media susesu hetan pontu tolu, hafoin dere ekipa adversáriu Jornal Independente ho score 7-1, husi Torneu MAPKOMS faze apuramentu grupu C mak hala’o iha kampu futsal Bebora, Kinta (29/10).

Inísiu jogu ekipa rua ne’e hotu hotu hatudu jogu ne’ebé furak iha kampu hodi anima tebes adeptus fuboollovers mak asiste diretamente.

Maibé ekipa Naunil Media ne’ebé hatudu ritmu jogu desde kick susesu harahun nia ekipa adversaiu Jornál Independente ho score 5-0.

Kontinua ba jogu segunda parte, ekipa Jornal Independente tenta halo kontra-atake maka’as maibé sei bele netraliza husi guarda defensivu husi Naunil Media no ekipa Naunil Media mós konsege aumenta tan golu rua hodi haboot score ba 7-0.

Antes termina jogu segunda parte, ekipa Jornál Independente konsege marka golu extra hodi muda score ba 7-1 to’o termina jogu vitória ba Naunil Media ho score 7-1.

Jogu futsal ne’e ho objetivu atu komemora loron independensia 28 Novembru 1975 ba dala-45. Jogu ne’e mós atu halo lasu amizade entre media no perseiru sira. Nfm