Planu Halo Uma Luxu ba Deputadu Sira, Tenki Halo mos Semitéiru

Fahe Tutan

Naunil Media (Díli), Akademista husi Universidade Nasional Timor Lorosa’e (UNTL), Vice dekanu fakuldade Siensias Sosiais ba asuntu estudantil, Bernardo Idalina Leto, sujere halo Uma ba deputadu sira tenke hamamuk mos rai hodi halo fatin semiteiru.

“Planu Harii edifísiu foun Parlamentu Nasionál no halo rezidensia deputadu/a sira, hau hanoin ne’e normal, hanesan oragun estadu, imagen estadu ita presiza fasildade ne’ebe maka adekuadu, maibe tenki kompleta ho klínika no fatin atu kompra, no fatin ida hodi halo mos fatin semiteiru”, Vice Dekanu Fakuldade Siensias Sosiais  ba asuntu Estudantil, Bernardo Idalina Leto, ba Naunil Media, iha Kampus Kaikoli, (25/08).

Nia afirma, planu harii uma luxu ba deputadu/a sira ne’e normal, maibe tenki halo mos semiteiru, nune’e kuandu sira mate atu bele haloot kedas.

“Planu halo uma, maibe hau hanoin sei falta tan buat ida halo mos rai mamuk, halo mos semiteiru hotu, karik deputadu mate lalika estraga tan osan barak, maibe rai ih manis tiha ona, ida ne’e mak hau nia sujestaun. Dehan Nia. Ivo

Leave a Reply

Your email address will not be published.