VPM Armada : Ekipa Sei Análize Dadus Reklamadus ba Subsídiu Uma-Kain $100.00

Naunil Media (Díli), Vise Primeira Ministra (VPM) ba asuntu Sosiaís no Ministra Solidariedade Sosiál no Inkluzaun (MSSI), Armanda Berta dos Santos, informa Governu seidauk atribui direitu reklamasaun ba subsídiu uma-kain $100 tanba tanba ekipa sei análize dadus.

“Ba segunda etapa ba pagamentu subsídiu $100 inportante ba sira mak labele lakon sira nia direitu, sira nia direitu ne’e sei fó maibé ekipa téknika sei análiza ba dadus reklasaun sira ne’ebé mak durante ne’e hetan”, Vise Primeira Ministra (VPM) ba asuntu Sosiaís no Ministra Solidariedade Sosiál no Inkluzaun (MSSI), Armanda Berta dos Santos, ba jornalista sira hafoin sorumutuk ho Primeiru Minstru (PM), Taur Matan Ruak, iha Palásiu Governu,  Tersa (25/08).

Tuir VPM ba asuntu Sosiaís no Ministra Solidariedade Sosiál no Inkluzaun, Armanda, ekipa tékniku tenki halo verifikasaun dadus molok atribuisaun direitu subsídiu uma-kain ne’e, tanba iha naran balun dobru.

“Total 15.678 reklamadus, ekipa tékniku sira sei análiza fila fali dadus sira ne’e, ida ne’ebé mak iha ezivel hodi bele hetan no mos ida ne’ebé labele hetan, tanba ita haree reklamasaun sira ne’e balu naran dobru entaun tama hotu iha reklasaun ne’e”, akresenta Governante ne’e.

Nia dehan, fulan Agostu ne’e Governu seidauk konsege halo pagamentu ba reklamadus sira direitu subsídiu uma-kain.

“Fulan Agusto nia laran lebele realiza pagamentu tanba sei haree dadus sira ne’e kuaze munisipiu ida rua de’it maibé Díli nian mak sai problema hela entaun sira sei análiza di’ak di’ak lai dadus sira ne’e”, tenik prezidente Partidu KHUNTO atual VPM, Armanda Berta.

Nia dehan MSSI sei la servisu mesak, maibe sei servisu hamutuk ho liña Ministeriais sira liu-liu Komisaun Anti Korrupsaun (CAC-Sigla Português) hodi haree failansu sira ne’e.

“Ita rekuñese, oinsa mak atu hadi’ak di’ak liu tan presiza mos CAC, importante hodi bele haree naran sira ne’ebé dobru no ida ne’e labele simu tanba ita hatur ona iha lei”, dehan Nia. Lop