Konsellu Ministru Aprova Kriasaun Lei Finansas Munisipál
Naunil Media (Díli), Kuarta (22/06) ne’e, Governu liuhosi reuniaun Konsellu-Ministrus, ohin aprova ona projetu Proposta Lei konaba kriasaun Lei Finansas Munisipál.
Porta-voz governu, Ministru Prezidénsia Konsellu Ministru, Fidelis Manuel Leite Magalhães, hateten, Lei ida-ne’e estabelese rejime enkuadramentu orsamentál, finanseiru no kontabilidade públika ba munisípiu sira.
Governante ne’e esplika, projetu Proposta Lei ne’e aprezenta husi Ministru Administrasaun Estatál (MAE) Miguel Pereira de Carvalho.
“Projetu Proposta Lei ida-ne’e regula orsamentu munisipál sira,”dehan Ministru Prezidénsia Konsellu Ministru”, tenik Fidelis.
Nia dehan, hodi konsidera autonomia finanseira munisípiu sira nian, ne’ebé estabelese husi Lei 23/2021, loron 11 fulan-novembru, Lei Podér Lokál no Desentralizasaun Administrativa, projetu Proposta Lei ida-ne’e regula orsamentu munisipál sira. Ana
