Arantes Apela Ajentes Públiku Manufahi Tenki Servisu ba Povu Tomak, Labele Haree Rasa no Kor Partidu

Fahe Tutan

Naunil Media (Manufahi), Administradór Munisípiu Manufahi, Arantes Isac Sarmento, hateten ajente (funsiunariu) públiku sira tenki halo servisu atendementu ba povu tomak iha Manufahi no labele haree ba rasa, família no kor partidu polítiku.

“Ha’u husu ba funsiunáriu públiku sira hotu ne’ebé mak iha Munisípiu Manufahi, halo atendimentu ba komunidade tenke ho dingu, labele haree ba rasa, kor ka labele haree ba família, sai funsiunáriu públiku tenke servi komunidade hotu-hotu ho didi’ak”, Afirmasaun ne’e Administradór Munisípiu Manufahi, Arantes Isac Sarmento, hato’o liu husi ninia deskurtsu iha Luak Dom Boaventura Same, Manufahi, Domingu (30/08).

Nia esklarese, fusionariu públiku tenki hadomi sira ninia profisaun, labele sai ema baruk ten, nune’e komunidade hotu bele sente kontenti ho atendimentu.

“Funsiunáriu públiku ninia funsaun tenke badinas servisu hodi serví rai ida ne’e ho didi’ak, labele kolen hodi husu bebeik ba instituisaun, se wanhira ema tau iha fatin área rurais ruma labele fó razaun ahi laiha, bee laiha”, tenik Administradór ne’e.

Tuir Nia, nu’udar funsiunáriu servisu rain Timor tenki sakrifika-án hanesan eroi sira ne’ebé fó-án ba rai doben Timor-Leste. Nico

Leave a Reply

Your email address will not be published.