Dada Kadoras Greater Sunrise Mai TL, Austrália Husu Estudu Konjuntu
Naunil Media (Díli), Ministru Petróleu no Rekursu Minerais, Fransisco da Costa Monteiro, hateten, planu IX-Governo dada kadoras Greater Sunrise mai Timor-Leste, maibe Austrália husu estudu konjuntu ho dezeñu no konseitu molok dada kadoras.
“Estudu husi Timor-Leste barak teb-tebes, uluk kedas ita halo no husi estudu sira ne’e mak kontribui ba ita konsege asegura buat barak ba negosiasaun sira liu ba ona ne’e, maibe foin dadaun husi parte Australia husu ita atu halo fila-fali hanesan tipu estudu konjunta ida”, informa Ministru Petróleu no Rekursu Minerais, Fransisco, ba Jornalista sira hafoin partisipa workshop kona-ba Planu Asaun anual tinan 2024, iha salaun Novo Turismo, Lecidere, Kinta (12/10).
Governante ne’e dehan, planu dada kadoras mai Timor-Leste parte Ministériu Petróleu no Rekursu Minarais delega ona ekipa husi Autoridade Nasional Petróleo no Timor Gap, atu desloka ba Australia.
“Atu halo estudu kle’an no halo kompleta ba dokumentus sira ne’ebe presija kona ba dada kadoras Greater Sunrise mai iha Timor-Leste”. tenik nia. Ana
