MAPKOMS Cup 2020 : Ekipa Feto SERVE.IP Dere Timor Post 2-0
Naunil Media (Díli), Ekipa Futsal feto husi SERVE.IP dere ekipa adversariu Timor Post ho score 2-0 iha jogu kontinuasaun Torneu MAPKOMS pool D.
Jogu entre ekipa rua ne’e hala’o iha kampu Futsal Bebora Díli Sesta (6/11).
Iha inisiu jogu primeira parte ekipa rua hatudu jogu ne’ebé kompetetivu tebes maibé sorti di’ak monu ba ekipa SERVE.IP hodi lidera ho score 1-0 liu husi jogador Madalena.
Jogadora ho númeru kamizola 21 ne’e marka golu hafoin hetan bola baruilu iha rede Timor Post.
Kontinua ba jogu segunda parte ekipa Timor Post halo mudansa ba tatika liu husi suptituisaun ba jogador no konsege hetan oportunidade balu maibé la aproveita ho di’ak.
Segundu parte ne’e ekipa SERVE.IP ne’ebé hatudu jogu furak konsege marka tan golu ida iha segundu parte liu husi jogadora Madalena. Jogadora ho númeru kamizola 21 ne’e marka golu daruak ne’e hafoin simu asistensia husi nia kompainera Veronica. Ekipa Kobertura
