MAPKOMS Cup 2020 : Ekipa Feto Naunil ho Telkomcel Fahe Pontu ba Malu
Naunil Media (Díli), Ekipa Futsal Feto husi Naunil Media tenke fahe pontu ho ekipa adversariu Telkomcel hafoin empata ho 1-1, husi kontra-atake kontinuasaun jogu Torneu MAPKOMS Pool D.
Jogu entre ekipa rua ne’e hala’o iha kampu futsal Bebora Dili sesta (6/11)
Iha inisiu jogu ekipa Naunil Média tun kedas ritmu jogu ne’ebé aas hodi fo presaun ba nia ekipa adversariu Telkomsel.
Tama ba iha minutu 3 ekipa Telkomsel lidera kedas hafoin jogadora Luisa susesu fura rede naunil.
Jogadora ho númeru kamizola 10 ne’e marka golu liu husi suta falta no muda score ba 1-0.
Hela ho score 1-0 halo ekipa Naunil Media sai husi fatin hodi fo kontra ataka makas maibé la konsege rezulta golu to’o termina jogu parte dahuluk
Kontinua ba jogu segunda parte ekipa rua nafatin lansa kontra ataka ba malu no tama ba iha minutu 16 jogadora Dulcia konsege responde golu ida hodi halo empata score ba 1-1.
Score 1-1 halo ekipa rua kontinua halo kontra ataka ba malu to’o termina jogu parte daruak no ekipa rua obrigadu tenke fahe pontu. Ekipa Kobertura
