Lídia Norberta Eleita ba Meza Komisaun Permanente ho Votu A-favór 20

Fahe Tutan

Naunil Media (Díli), Deputada Lídia Norberta dos Santos Martins, eleita ho votu a-favór 20, sai hanesan Sekretaria Meza Komisaun Permanente no Vise-Sekretáriu mak Deputadu António Verdial hodi bele hala’o kna’ar iha parlamentu.

Iha votasaun ne’e propoin deit bankada FRETILIN no KHUNTO, no bankada sira seluk la propoin. Iha aprejentasaun proposta ba kandidata, propoin deputada Lídia Norberta propoin husi bankada FRETILIN, Deputadu Joaquim dos Santos no Deputadu António Verdial propoin husi Deputadu Luis Roberto da Silva.  

“Ha’u sujere ita kandidata fila-fali deputada Lídia Norberta ba asumi sekretária komisaun permanente to’o Setembru, komu nia iha ona meza hili fila-fali nia para iha koerensia ba traballu”, Deputadu Joaquim dos Santos, koalia asuntu ne’e liu husi nia intervensaun polítika iha plenária Parlamentu Nasionál, Kuarta (05/08).

Bankada Khunto, Deputadu Luis Roberto da Silva, liu husi intervensaun propoin Deputadu António Verdial ba Vise-Sekretáriu komisaun permanente.

Votasaun maioria deputadu husi bankada CNRT mak auzensia, rezultadu husi votasaun a-favór 20, kontra 0, no abstensaun 0. Total hamutuk 20. Apm

Leave a Reply

Your email address will not be published.