Governu Nova zelandia Apoiu Tan Vasina AstraZaneca 76,800 ba TL
Naunil Media (Díli), Governu Nova Zelandia liu husi embaizadór iha Timor-Leste apoiu tan Aimoruk Vasina AstraZaneca Doze daruak hamutuk 76,800 ba Timor-Leste.
Tuir Embaizadór Uniaun Europeia (EU) iha Timor-Leste Andrew Jacobs, Haktuir Dose 24,000 vasina Covid-19 liu husi programa COVAX iha Abril 2021, Timor-Leste ohin simu tan dose 76,800 vasina Astrazeneca.
“Ha’u sente haksolok tebes ho esforsu hamutuk husi parseiru sira, ohin ami iha tan segunda entrega vasina COVAX nian mai Timor-Leste. Ida ne’e hanesan ilustrasaun di’ak ida kona-ba solidariedade globál, Uniaun Europeia orgullu hamutuk ho governu Timor-Leste, OMS, UNICEF, no mós kontribuinte sira seluk hodi halo ida ne’e akontese”, dehan Embaizadór Uniaun Europeia, Andrew Jacobs ba jornalista iha Aeroportu Komoro, quarta (09/06).
Nia haktuir, ekipa Europa sei kontinua nafatin hamutuk ho povu Timor-Leste iha luta hasoru Covid-19 hodi ajuda garante katak funu ne’e sei manan.
“Inisiativa globál GAVI, UNICEF no parseiru sira seluk, asegura katak ema hotu iha asesu ba vasina Covid-19 ne’ebé seguru no efetivu sai nu’udar prioridade aas liu ba Uniaun Europeia desde luta kontra pandemia globál ida ne’e ne’ebé laiha ema ida mak moris seguru to’o ema hotu seguru”, Nia salient.
Aleinde apoiu ba COVAX, ekipa Europa orgullu tebes fó apoiu ba Timor-Leste iha funu hasoru Covid-19 desde Marsu 2020, ne’ebé ho total apoiu finanseiru ba montante liu $ 6.4 milhoens, inklui besik millaun $ 1.2, ne’ebé disponivel ba OMS sira nia servisu imediata ba Covid-19, husi Eskritóriu Umanitária Uniaun Europeia nian (ECHO) no abranje mós dolar amerikanu millaun 2.4 ba Organizasaun Mundiál Saúde nian hodi fó apoiu ba servisu hamutuk ho Ministériu Saúde atu hamenus impaktu saúde husi moras ne’ebé bele hada’et iha komunidade nia leet liuliu Covid-19, kontribui ba konstrusaun sistema saúde nian ne’ebé forte, efikás no reziliente iha Timor-Leste.
Ekipa Europeia mós fornese ona apoiu liu husi organizasaun sosiedade sivíl sira atu ajuda ema vulnerável sira ne ‘ebé afetadu liu husi Covid-19, ne’e Inisiativa Spotlight, foka liu ba asisténsia sira ne’ebé iha risku, violénsia doméstika, ne’ebé presiza, Dehan nia.
Programa COVAX ne’e hanesan inisiativa multilaterál ida ne’ebé Ekipa Europa – Uniaun Europeia, ninia Estadu-membru sira no Banku Investimentu Europeu-kontribui ona ba dolar Amerikanu millaun $ 2,2 ($ 2.6 biliaun) atu garante realizasaun fornesimentu vasina COVAX hamutuk biliaun 1,3 ba nasaun sira ho rendimentu menus no médiu, inklui Timor-Leste.Ipe
